Bogolo Joy Kenewendo o o tshotsweng ka ngwaga wa 1987, ke Motswana o e leng moitseanape wa itsholelo ya lefatshe ka bophara ebile e le lepolotiki. Ke tona ya pele ya lephata la peeletso, dikgwebo le madirelo kwa Botswana. Kenewendo o ne a tswa mo khuduthamageng ka Mopitlo ngwaga wa 2020. Fa e sale ka nako eo,o berekile e le mookamedi wa kompone e e kwa motsemogolo Gaborone ya Kenewendo Advisory. O eteletse pele lenaneo la Molaya Kgosi Women Leadership and Mentorship, mme e bile ke modulasetilo wa lekgotla la Molaya Kgosi.
Dikinolo
edit- "Ke dumela gore re tlhoka bomme ba le bantsi mo boeteledingpele, ba ba ka berekang ka thata go diragatsa diphetogo tse di maleba, le borre ba ba ka nnang bagaka ba tekatekano."
- "O seka wa letlelela ope go dira gore o dumele gore ga wa lekana. O lekane. Mafelo a sechaba, a boeteledipele le a madi le bomme ke a bone! Selo se se botlhokwa ke go netefatsa gore ga re itumelele gore gotwe 'ke ene mosadi fela' mo mafelong ao. Lefelo lengwe le lengwe le tlhoka mefuta e e farologaneng ya batho."
- "Rotlhe re tshwanetswe ke ditshono tse di lekalekanang. Ditshono di tokafatsa matshelo ebile di bulela batho botlhe ditsela."
- "Mongwe le mongwe o tshwanetse go nna molwela ditshwanelo tsa basadi kgotsa a amana le tsone ka tsela nngwe ka gore mosadi fa a neetswe nonofo, o tsholeletsa sechaba sotlhe le merafe kwa godimo."
- "Emang. Nako ya go dira re bo re phatsima mo go se re dumelang mo go sone ke yone e."
- Bogolo Joy Kenewendo, the Youngest Minister in Botswana.(3 Motsheganong 2021)
- "Go na le maemo a boeteledipele a re tshwanetseng go itlhoma mo go one; ga re a tshwanela go tshaba gore mantswe a rona a utlwale. Re tshwanetse go lwela tshiamo fa go tlhokafala. Bogolo jang fa go tla mo tshireletsong ya ditshwanelo tsa basadi le bana."
- Bogolo Joy Kenewendo, the Youngest Minister in Botswana. (3 Motsheganong 2021)
- "Re tshelela mo motlheng o go nang le palo e leng lantlha re e bona ya basadi ba ba mo maemong a boeteledipele a botlhami"
- Bogolo Joy Kenewendo, the Youngest Minister in Botswana. (3 Motsheganong 2021)
- Ga o ka ke wa bua ka lehuma o bo o sa bue ka go nonotsha basadi.
- Bogolo Kenewendo at UNGA72 #SDGLive. (21 Lwetse 2021). Tsebe e etetswe ka 13 Morule 2023.
- "Fa e se nna e tla nna mang? E ke potso ya botlhokwa e rotlhe re tshwanetseng go e ipotsa nako le nako fa go nna le tshono. Ke eng re akanya gore gongwe ga re a tshwanela, mme ebile re akanya gore ke mang o o mo maemong a a botoka go tsaya tshono eo."
- Botswana's 31 year old minister says she has already been threatened at PAP. (16 Phukwi 2021). SABC News.Tsebe e e etetswe ka 13 Morule 2023.
- "Tekatekanyo ga e amoge ope sepe"
- I am Generation Equality: Bogolo Joy Kenewendo, economist, gender and youth activist.(16 Moranang 2021). UN Women. Tsebe e etetswe ka 13 Morule 2023.
- "Ka jalo, kgakololo ya me mo bananeng ba ba eletsang go tsena mo go tsa sepolotiki ka puso kana go rotloetsa, ke go dirisa mantswe a bone le go dirisa dirala tse di farologaneng ka tsela e e tla tsisang kgolo, se ga se reye gore o nne mo lotlhakoreng lwa puso ka dinako tsotlhe. Fa o tsaya lotlhakore lwa puso ka dinako tsotlhe, ga o tsise boleng."
- Bogolo Kenewendo named as Climate Champions’ Special Advisor, Africa Director.(17 Seetebosigo 2022). Climate Champions. Tsebe e etetswe ka 13 Morule 2023.