Beti Olive Namisango Kamya-Turomwe, yo gape a itsegeng jaaka Betty Kamya le Beti Kamya, ke mosadi wa kgwebo le radipolotiki wa kwa Uganda, e leng naga ya boraro e e nang le ikonomi e kgolo go gaisa mo East African Community. Ke motlhatlhobi-Kakaretso wa Mmuso kwa Uganda, go tloga ka 16 Phukwi 2021. Pele ga moo, go tloga ka Sedimonthole wa 2019 go fitlha ka Motsheganong wa 2021, e ne e le Tona ya Kabinete ya Mafatshe, Kago ya Matlo le Tlhabololo ya Metse, mo Kabineteng ya Uganda. Pele ga moo, go tloga ka 6 Seetebosigo 2016 go fitlha ka 14 Sedimonthole 2019, o ne a direla jaaka Tona ya Kampala Capital City Authority mo kabineteng ya Uganda.
DIKINOLO
edit•Dipotso tsa gore re ka fenya jang bobodu ke tsone di dirileng gore African Anti-Corruption Day e tlhomiwe ke African Union, go dira gore Aforika e boele kwa morago go leba mabaka le ditlamorago tsa bobodu go tswa foo go tlhamiwe ditharabololo tsa go bo fedisa mme ka jalo go re golola mo dikgolegelong tsa bokgoba jono.
•Fa boidiidi jwa batho bo tlhaloganya gore didolara di le dibilione di le 140 tse re di amogelang go tswa kwa Bophirima e le dikadimo, dimpho, le thuso di felela di le mo dikgetsaneng tsa batho ba sekae fela, e tla nna bone le ditlogolwana tsa bone ba ba tla di busetsang ka morokotso. Ba tla ema ka dinao go boloka madi ao. Fa re senola bonweenwee jaaka khumo e e sa itsiweng, e e sa tsamaelaneng le motswedi wa lotseno wa modiredipuso, ba tla ema ka dinao go sireletsa khumo ya bone
•Re tlhoka go nna le tirisanommogo, go dirisana mmogo ka tsela e e tshwanetseng ka komiti ya African Union. Se se raya gore morago ga kopano e go botlhokwa thata go kopanya pego le go e abelana le AU