Wikimedia Incubator

Wq/tn/Bethlehem Tilahun Alemu

< Wq | tn
Wq > tn > Bethlehem Tilahun Alemu

Bethlehem Tilahun Alemu o o tshotsweng ka ngwaga wa sekete makgolo a robabongwe masome a robabongwe le motso (1980 )kwa lefatsheng la Ethiopia, ke mogwebi ebile ke mosimolodi wa kompone e e golang ka lobelo lo lo kwa godimo mo Aforika, e e rekisang ditlhako ya soleRebels. Alemu o amogetse dietsele le dikakgolo ka go bo a le keletlhoko mo kgwebong ya gagwe, le maiteko a gagwe a go ntsha Aforika mo lehumeng.[1] Alemu o simolotse "The Republic of Leather" , e e dirang dilo tse di dirilweng ka letlalo,[2] le "Garden of Coffee" e le maiteko a go rotloetsa di kofi tsa kwa Ethiopia.[3]

Bethlehem Tilahun Alemu ka ngwaga wa 2017

Dikinolo

edit
  • Ke ne ke batla go supa gore go a kgonagala go atlega o ntse o le motho wa mo gae mo Ethiopia le mo Aforika.
  • Go a kgonagala go dirisa didirisiwa tsa mo gae o dira leina le le eteletseng pele tsa thekiso mo lefatsheng ka kakaretso, le go dira jalo o simolola ko tshimologong.
  • Fa re batla go nna le dichaba tse di phadisanang, re tshwanetse go amogela tekatekano ka ditsela tsotlhe. Seo se raya go tsholetsa itsholelo ya bomme, mme tsela ya go dira jalo ke go nna le bomme ba bagwebi.
  • " Go dira tswelelopele ke yone fela tsela ya go fedisa lehuma, mme go dira tswelelopele o tshwanetse go dira sengwe se se mo maemong a lefatshe ka bophara.
  • Gore batho ba kgonna go tswa ka megopolo e mesha...ga ba tlhoke go tsaya maeto a maleele kgotsa go kopa dikakanyo tsa motho o mongwe.
  • Se dire dilo fela, tokafatsa dilo. " Go tla ka megopolo e mesha ke...go tokafatsa maemo a se se ntseng se le teng."
  • Batho ba tsaya maeto a maleele go tsisa dikakanyo tse di farologaneng mo mafatsheng a bone go simolola kgwebo, mme kakanyo ya me ke gore itebe gore o mang, o godile jang, sengwe le sengwe se se mo tikologong ya gago ke kakanyo ya kgwebo. Fa o bona bothata, batla tharabololo. Seo e tla nna kakanyo ya kgwebo.
  • Ga gona polane fa go tla mo go nneng mogwebi.
  • Re rekisa maitemogelo, ga re rekise sedirisiwa. Ga re leke go itshubela golo gongwe...letlhoko ke la gago.
  • Nngwe ya dithuto tse di botlhokwa tse batsadi ba di mo rutileng fa e santse e le ngwana ke gore ga gona pharologano gareng ga gagwe le bo kgaitsadie. Le fa ba dira ditiro tse di farologaneng, ga go na tiro e e le botlhokwa go gaisa e nngwe mo ditirong tsa basimane le tsa basetsana.
  • Seo se thusitse go itshepha fa go tla mo go se a se diretseng sechaba sa gagwe e le mosadi le se a se dirang gompieno.
  • " Nna ga ise ke ke ke akanye gore ka gore ke mosadi ga ke ka ke ka kgona go dira sengwe, ga nka ke ka leka sele le sele. Ke ipona ke le motho. Ke kgona go dira sengwe le sengwe se ke se batlang ebile ke ya go atlega ka gore ke a go bereka ka thata go nna teng malatsi otlhe. Ka jalo gore bomme le basetsana ba Aforika ba bo ba re ga ke kgone go dira se, lo a ipolaa. Fa re ka kgothala go tswela kwa ntle re rekisetsa batho megopolo, ke akanya gore re ka atlega.
  • "Ke nna ke akanya ka selo se le sengwe: kgwebo ke go rarabolola mathata, go leka go supa selo se le sengwe mo mathateng ke go sa itirele sentle ka gore fa o sa kopane le dikgwetlho o le mogwebi o bo o di rarabolola, o tla bo o se mo kgwebong. Go kopana le dikgwetlho le go di fenya ke tiro botshelo jwa me jwa malatsi otlhe.
  • Ke kgona go lemoga bokoa jwa me, mme ke bo rarabolola ka go aga setlhopha ka batho ba ba nang le maatla a ke se nang one. Ka jalo ke fetola bokoa bope bo nka tswang ke na le bone go bo dira maatla...go lemoga bokoa, le go amogela seo, ke ntlha e e botlhokwa.
  • Ke rata go lebela pele maikaelelo a me ke le nosi mo sephiring. Ke leka ka bojotlhe go dira gore tebelopele e e nne ya boammaruri, se se dira gore maikaelelo a me a nne bofefo ebile a nne a mmatota mo go nna le mo setlhopheng sa me re bo re kgona go sala morago kakanyo kgotsa maikaelelo a o.
  • Ke nna ke buisana le batho ba ba mo setlhopheng sa me, ke leka go bona gore ba tlhoka eng go ba dira batho ba ba botoka mo go se ba se dirang le gore ke eng se se ba itumedisang. Se se re letla go nna nna le boitumelo re le setlhopha ebile se dira gore maloko a nne lobaka...ke nna ke tlhoile tsebe go bona batho ba ba nang le mpho mme ba ise ba fiwe tshono ya go dira sengwe mme ke bona gore ba na le mpho ke gore ga ba ise ba fiwe sebaka.
  • "Ke simolotse Garden of Coffee gore batho gongwe le gongwe ba kgone go itemogela boselamose jwa kofi e e besitsweng ka lebogo ya kwa Ethiopia, e besitswe kwa motsweding wa bone ke badiri ba dikofi ba mo Ethiopia.
  • Tse di nkgwetlhang ke le mogwebi ke go amogana dingwao tsa Ethiopia le lefatshe ka bophara le go batla ditsela tse di kgatlhisang tsa gore dingwao tse di tswelele di kgatlhisa ebile di le mo nakong.
  • Ke feditse thuto ya me yotlhe mo Ethiopia, ebile ga ise ke nne gope go sele ntle le Ethiopia.
  • Re tsere tshwetso ya go dira botshelo bo bo botoka bo rotlhe re ntseng re bo emetse.
  • Go gola re bona malwapa a rona le baagisani ka rona ba sokola, re ikaeletse go ba direla botshelo bo bo botoka bo re saleng re bo emela, ka go dirisa dikitso tsa sechaba sa rona go dira kgwebo ya ditlhako. Re dirile jalo le go feta mme re motlotlo gore leina la soleRebels le akolwa ke batho mo mafatsheng a ka feta masome a mararo mo lefatsheng ka bophara.
  • Rata se o se dirang, ka gore fa o sena lorato ga o ka ke wa atlega.
  • Se se mphile kitso ya madirelo a, ebile go nthusitse thata mo go simolodiseng kgwebo le go e godisa.
Retrieved from "https://incubator.wikimedia.org/w/index.php?title=Wq/tn/Bethlehem_Tilahun_Alemu&oldid=6436210"