Annie Macaulay - Idibia ke mogasi, motlelara, motsamaise mo setshwantshong sa motshikinyego le motshameki wa difilimi wa kwa Nigeria. O ne a tlhophiwa mo karolong ya "Best Supporting Actress" kwa Best of Nollywood Awards ya ngwaga wa dikete tse pedi le metso e robabongwe ( 2009). Pele a simolola tiro ya gagwe ya go tshameka, o ne a tsenela kgaisano ya "Queen of All Nations Beauty Pageant" kwa a neng a nna mofenyi wa bobedi mme gape o ne a tlhagelela mo bidiong ya mmino wa pina ya 2face Idibia ya "African Queen". Tiro ya gagwe ya kwa Nollywood e ne ya itsege thata ka seabe sa gagwe mo difiliming tse di bidiwang Pleasure and Crime le Blackberry Babes.
Dikinolo
edit- "Dibeke tse lesome tse di fetileng e nnile tse di maswe go gaisa tsotlhe mo botshelong jwa me jotlhe. Ee, e ne e le yone e e maswe go gaisa tsotlhe fa e sa le ke tsholwa. Ke ne ke galefile thata mme jaanong ke utlwile botlhoko thata e bile ke galefile gape. Mme ka maswabi ke tlhabiwa ke ditlhong go ipolaya".
- [1]Annie o bua ka lelapa le dikamano mo potsolotsong.
- Jaaka motho, puo ya gago, dilo tse o di tlhophang di botlhokwa, e bile di ka dira pharologano.
- [2] Annie Idibia a araba dipotso mo potsolotsong.
- Gore o kgone go rata se o leng sone, o ka se ka wa tlhoa maitemogelo a a go bopileng.
- [3] Annie a buwa ka ga ene
- Tota le phoso e ke e dirileng e tla nkutlwela botlhoko. Go ise go ye kae.
- [4] Kinolo ka phoso ya gagwe.
- Go gola ke na le mmè fela go ne ga ama botshelo jwa me thata mme ke ne ka boga mme ga ke batle gore bana ba me le ka motlha ba lebane le botlhoko jwa go tlhoka batsadi ka bobedi ka gonne go ne go le thata mo go rona. Tota le gone jaanong, ka tsela e lefatshe le ntseng ka yone, bana ba na le kitso e ntsi go feta jaaka re ne re na le yone mo metlheng ya rona, ka jalo kgatelelo e ka nna kgolo thata mo baneng ba ba tswang mo malapeng a a thubegileng gone jaanong. Ga ke batle gore bana ba me ba diragalelwe ke selo se se ntseng jalo.
- [5]Annie o bua ka tiro ya gagwe le lenyalo la gagwe mo potsolotsong.
- Ke batla go dumela gore ke atlegile go tlhaola le go farologanya letshwao la me jaaka Annie Idibia motshameki/mosadi wa tiro le Annie Idibia mosadi/mmè. Ke rata go bidiwa Annie e seng mosadi wa ga Tubaba. Ke tlhoile seno ka gonne ke motho wa me mme ke dirile ka natla go aga tiro ya me le leina la me. Ke tshwanetse go itsiwe le go tlotliwa ka ntlha ya seo.
- [6] Annie Idibia o bua ka go bidiwa mosadi wa ga Tubaba.