Amina Abubakar Bello (o tshotswe ka ngwaga wa sekete sa makgolo a robabongwe masome a supa le metso e meraro(1973) ke mosadi wa ntlha wa Niger State, Nigeria le ngaka ya pelegi, ngaka ya basadi le molwela ditshwanelo tsa botho.
Dikinolo
edit- Fa ke ntse ke gola, ke ne ke itse gore thuto e botlhokwa le gore go tloga ke sa le monnye, ke ne ke itse gore ke tshwanetse go dira tiro nngwe, ka jalo seo se ne sa ama tsela e ke neng ka feleletsa ke tlhopha se ke se tlhophileng.
- Ka jalo o gakololwa gore o se ka wa dira tshwetso ya gore o batla go dira eng jaaka tiro ya gago go fitlha o dira tiro ya gago ya mo gae, mme "tiro ya mo gae" e raya gore o tshwanetse go ya kwa dikarolong tsotlhe tse di farologaneng tsa kalafi. O dira mo go tsa karo, tsa go belega le tsa malwetse a basadi. Ke ne ka e itumelela mme ka lemoga gore ke lone lefelo le ke neng ke laleditswe kwa go lone. Mme ke gone ka moo ke ileng ka swetsa go ithutela bongaka jwa go belega le jwa malwetse a basadi. Tse dingwe ke hisitori.
- [2] Amina o tlhalosa lebaka la go bo a ithutela bongaka jwa malwetse a basadi
- Basadi ba ba neng ba sa tshwanela go swa ka ntlha ya go tshola bana ba a swa fela ka gonne ba sa newa tlhokomelo e ba e batlang
- [3] Amina o bua ka basadi ba ba swang ka nako ya pelegi.
- Re na le setso se se humileng sa batho ba Nupe, re na le batantshi ba rona ba bantle mme fa o bona tsela e ba dirang diaparo tsa setso sa bone ka yone, go a kgatlha go di bona. Re na le hisitori e e molemo.
- [4] Amina o bua ka setso sa gagwe
- Re tshwanetse go farologanya bodumedi le botsogo jwa rona. Ga re kgone go ya kwa Kerekeng kana kwa Mosque gore baruti le ba-imam ba rona ba re alafe kankere. Ee, re ka rapela ka gonne ke Modimo fela yo o ka re fodisang, mme Modimo o re neile didirisiwa tse re di tlhokang gore re bone kalafi eo.