Wq > tly > Tolışi yolon votə
- Asp eğandə pambəsə, hə eğandə zambəsə.
- Beari dim bənəy kaqi pətəkonə har çi peqətdə!
- Bə sə çı bəlo omdə, sıxani fəşəlo omdə!
- Bə bıhdoni rast əvo, be otəş bəvəşe!
- Bə bandi sə vo bome, bə merdi sə ko bome!
- Bəhi osmono qarde, bo kaqi tars bəvarde!
- Bebəxti bə band ro qəte, hıriyan band eqəte.
- Bə şıli peməsır, Xıdo koy əbıni zıne.
- Bə zveləkəy siyo merd bəvoten.
- Bo kuə aspi fuştə bıkə cıftə baha.
- Bekorə mandesə, bışi bo dışmeni bır bıkırın!
- Cohil nodinc bedə, bo cıni sınc kudə!
- Cone səğe hisobe, məvot fılon kosibe!
- Cəfo bıkəş, səfo bıvind!
- Çaşdəxıl, vəşyən si əbıni, dave iyan yas pi əbıni!
- Çımınki çımı sədə, ıştınki ıştı qədə!
- Çaşıj kənosə bıbıy, nunış zonosə bəbe!
- Çiki sıftə, çiki oxoy.
- Çırkinə sərınco lırdov bome!
- Çilə - çəvuşi otəşi zil əbıni!
- Çaştə dızdisə bevəce!
- Dılədə sır de nofi niyon bəbe!
- Dıl heste bə dıli bənde, dıl heste bə zıli bənde!
- Do bəştə vərz bəqıne!
- Dodo yodo bekay, Xıdo yodo beməkə!
- Dəqesi ləs bıqət, xoli tərs bəbıre!
- Dızd bıbi, çaştə məbi!
- De çamçə si nıbı, de lışte si nibəbe!
- De ağılmandi sığ bıkırın, de nodoni nun məhə.
- Dard dıdıvəye, ve pelovne, ve ebənışte!
- Əğə nun bəşe, nokə con bəşe!
- Əpiy i dim siyo, nıdəy dı dim siyo.
- Fəşəlvoni cəv bə do bekardə!
- Fələk bə bərdon dənıvıjə conon bə tumə dəndə!
- Ğıyz omyədə çaş sı bedə, ğıyz emyədə quş sı bedə!
- Hanvə bə nəğıli zu bome!
- Həy dıvo mıstəco bəby, çərvodaron tum əbıriy.
- Xıdo həj ( uloxış) zınəy, bəy şoxış nıdoy!
- Iştə nomi bətı bəno, tıni sute - sute bəno!
- Iştı kəy ruşnə bəçmı kə dəvətdəni!
- Im ağıl tıku, ım dıvo bəyku, şımə boğ çiçə pebəte!
- Im rúž tı bıvot, maşqi bətı bəvoten!
- İnson de imoni, sıxan de zəmoni.
- İnsoni kolə şıt diyə, kam de huştə bə cuş biyə.
- Kıvolə jeni merd dıvolə bəbe!
- Kıtı çənə fel zındə, morən ənə hıl zındə!
- Kijə moə şıtıj diyə ni!
- Kubız bıtojın bə vıl ebəqıne, qomuş bıtojın bə xıl !
- Kanə voə şəpə əjənni.
- Ku əve, bə i qılə çol dı kərə ebəqıne.
- Qəv baha xok bəka, dim aybo ak bəka!
- Qəvi çiç harde , bo dimi çı ayb?
- Qon omyədə, sıvık rost bedə!
- Qəqə con beşe, qılqıli xımo bə miyon beşe!
- Qələ sıpəy, nə bahay, nə bədoy!
- Qitəkəy voş bəpiye, ro əkəy hışki!
- Qandımi volə bəhə, xəməndə sımə baha!
- Lampə ıştə poy ruşnə əkəni!
- Nısyə qəp, nısyə ğədo, sədoji nağd bədo!
- Ovşımə şəvi ku kəçəli sədə sıbıjone bəka.
- Pambə de pəxıli rə nəm bəqəte!
- Pandini bə yod oqəte, nodoni bə bod oqəte!
- Potşo dəvən pavo nəvdə!
- Rıvosi dim bəbi, bə rúž əvoy bə di!
- Sıxan heste xılxədə, sıxan heste xəlxədə!
- Si bə siy maç bəje, vəşi bə vəşi ğıç bəje!
- Sıxan ğıyziku tel bəbe, sıpə vəşiku dəl bəbe.
- Sıpə ıştə quşi bıbıriku bətarse.
- Satmə nəhə nibəqıne!
- Səfe bə morə dumi xıynə bəno!
- Səfe damə nıbu, əvən qıləy şəxs bəbe!
- Səj pandonə, kəj ovdonə!
- Sığ peqət oşko, sə bıqət oşko, tı boçi noledəş?
- Sığ - sıği kutisə divo bəbe!
- Şıli po nıqəte, səfe ro nıqəte!
- Şəğol heste qədə jəydə, neçi nom beşə!
- Tıle - tıle ru bəbe, çaşte - çaşte du bəbe!
- Təyələvə oməlovın, siələvə dəməlovın!
- Təyə ləvə çı zındə həlol - həromi?
- Təyə kisə kıçono bəmande!
- Təyə huşə səy bə pe bəqəte!
- Vəşyəni i sor dəbəkəşe, mınnətış si sor dəbəkəşe!
- Vəşyəni luz si bəbe, çaş si nibəbe!
- Vəşiyə kijə hanədə çinə bəvinde!
- Voy jə qandımi mıştəri ku bəbe!
- Veəzın ve bəkəşe!
- Ve nıfinəkə dıvo əməsni.
- Voə ve bə sori bar ve bəbe.
- Voə beşe bə band, şəkə be.
- Yolə cılmə xırtədə bəmande!
- Zımıstoni anbonə tohoston pur bəkan!
