ݙوہڑہ edit
بِھڑدیں بَھنیج پِیاں ہن
نَویاں نَکُور وَنگاں
ٻانہیں دی خیر ہووی
تِھیوَن مَہُور وَنگاں
وَنگاں میݙیاں لَہائی وَن٘ڄ
اَپݨی امان چَائی وَن٘ڄ
ڳالِہی سَمجھ کے سِینگیاں
گِھنسَن چَھچُھور وَنگاں
ݙوہڑہ edit
میں شوق دیاں ونگاں پاتیاں ہِن ونگیں نال کلائیاں ݙیکھ تاں ون٘ڄ !
نک نتھلی پاتی ݙیکھیں ہا کنیں والیاں پائیاں ݙیکھ تاں ون٘ڄ !
میں واصف کجل مساڳ کیتے سر سوئیاں سائیاں ݙیکھ تاں ون٘ڄ!
میں مون٘جھ دیاں میندیاں لوئیاں ہِن میݙیاں لوئیاں لائیاں ݙیکھ تاں ون٘ڄ
ݙوہڑہ edit
جے شوق دیاں ونگاں ول پیندیں کر چکنا چور مروڑیں نہ
پکے قول اقرار ݙیواویں چن لگ کہیں دے آکھے چھوڑیں نہ
اڄ جو کجھ ہاں تیݙے سامھڑیں آں آوے غربت تاں مونہہ موڑیں نہ
اتی زاہد تھی مجبور ون٘ڄیں ٻانہاں تروڑ سٹیں ونگ تروڑیں نہ