جئیں جیوݨ دے ہن گر سکھلائے
جئیں سبق پڑھائے استاد ہوندے
جئیں سچ دے راہ تے پورݨیں پا
ہتھ نپ ٹروائے استاد ہوندے
جئیں رب دی ہے پہچاݨ کرائی
جئیں رب سمجھائے استاد ہوندے
کائنات دے علم دے پرت شرر
جئیں کھول ݙکھائے استاد ہوندے
کلام شبیر شررسئیں
دلشاد محور edit
- ٹیچر ݙین٘ہ !
ٻُڈھے بَھان٘ویں تِھی ڳیوں اَساں ݙر وَدّا ہے اُن٘ویں،
دِل اِچ ہا اُستاد دا جیویں کَچی پَکّی ویلھے۔
دلشاد محور
ساحر رنگ پوری edit
سلام استاد
جݙݨ بندہ جھنڈے گݙے ٻہوں سارے میداناں تے
کہیں دا قرض کھڑوتا ہوندائے اوں ویلے انساناں تے
رب اسمان توں گھن آندا ہے دھرتی اُتے بندے کوں
پر استاد اے ڄیڑھا بھوہیں توں گھن ویندے اسماناں تے
ساحر رنگ پوری