Wq/skr/آؤ سرائیکی سرائیکی کھیݙوں

< Wq‎ | skr
Wq > skr > آؤ سرائیکی سرائیکی کھیݙوں

آؤ سرائیکی سرائیکی کھیڈوں۔۔۔ لُک چھپڑ، بنڑی قطار، تاش، کانگا ماری، دُودا، کُشتی، گیٹی ڈناں، تلکنڑ، دھی اُو ڑی دھی، کُوکڑے چھپک جمعرات آئ ہے، ساری ساری رات دول دے سُر تال نال جُھمر کھیڈدے نکے وڈے ہک نویکلی سُنجانڑ نویکلا کلچر نہ سندھ بلوچستان دے کلچر دی نقل نہ پنجاب کے پی کے دے رنگ، آپڑیں وسوں دے آپ شہزادے جیکوں سرائیکی آکھیا گئے ،امن شانتی دی گنگوٹی ءچ سُتے لال، پیر فرید سئیں دی کافی لُولی ءچ سُنڑنڑ آلے بال جڈاں اکھ بھالی ہئ اُوندے وسیب ءچ رات دی ماء دے روپ ءچ بُکھ تس ہئ، ڈینئڑ دی شکل ءچ بے سُنجاتی ہئ بغیر حوالے دے زندگی گزارنڑ آلے کوں سُنجانڑ دی لُوڑھ ہئ ،ہتھ دے لکیریں ءچ سُنجاپ دی لکیر گولنڑی ہئ، ایں سُنجاپ دی لکیر کوں نشابُر کرنڑ کیتے اندھی منزل دا پندھ ہا، کہیں جوگی دی لوڑھ ہئ کہیں جوتشی دی تلاش ہئ، صحرا دے مسافر کوں پانڑی دی گول ہئ، کہیں پیئمبر دی تانگھ ہئ جیرھا جلدے پجلدے زھن کوں سکون بخشے ہا جیرھا ڈسے ہا رُل گئے ہیں یا راہ تے ہیں، بے شعوری کوں شعور تک آندیں ہوئیں کئ صدیاں دا انڑکھٹ سفر کرنڑاں ہوندے ،اتھاں نوح کوں ساڈھے نو سو سال لگدن وت وی 80بندہ شعور تک آندے، پوری قوم ءچ شعور تاں اڈھائیں وی نہ آیا جڈاں مکہ ءچ چندر ڈُو ٹکڑے تھی گیا، شعور دا سفر جاری ریہا کربلا تک آ گیا شعور دے روپ ءچ حُر ملیا،، خیر گال ڈوجھے پاسے ٹُر پوسی ۔

اساں سرائیکیں شعور دی پہلی پؤڑی تے پیر رکھنڑ آلے ہاسے ساڈیں اکھیں تے کالا رتا ساوا کپڑا بدھ کے اندھارا کرکے آکھیا گئے آؤ سرائیکی سرائیکی کھیڈوں مسیں مسیں اوں کپڑے کنیں جان ادھی پچدھی چھڑاوئ سے، اکھیں نویاں بنڑوا کے نکھتے ہیں وت مشورہ ملیے ہُنڑ صرف ساوا کپڑا بدھو، تے کھیڈو سرائیکی سرائیکی، کھیڈدے کھڑے ہاسے کہیں ہتھ نپ کے آکھیے یار پرائ کھیڈ کوں آپڑاں سمجھی ودے ہاؤ آؤ آپڑیں راند رساؤں، گال چنگی ہئ نال ٹر پئے ہیں ،راستے ءچ دریا آئے، اساں بنی اسرائیل وانگوں آپڑاں آپڑاں راہ منگیے، جڈاں پرلی کندھی تے پُنے ہیں اگو سامری کھڑے ہن جیرھے آھدے کھڑے ہن آؤ سرائیکی سرائیکی کھیڈوں،، اتھوں سفر شروع تھیسی شعور اور بے شعوری دا شعور موسی گولیسی بے شعوری سامری دے نال رل کے بلے پُجیسی تیر پُجیسی، شیر پُجیسی، سچا اوھو ہوسی جیرھا آکھسی آؤ آپڑیں راند رساؤں آؤ رل تے سُنجانڑ بنڑاؤں،،،،، جمیل بلوچ کوئ دوست میڈی پوسٹ کوں خوشامد دی نظر نال ڈیکھنڑ دی غلطی نہ کرے میڈی ظھور دھریجہ سئیں نال کوئ ملاقات نیں تھئ نہ میکوں اُو جانڑدن اے انھیں دا سرائیکی قوم تے احسان ہے جو میں جھئیاں بندہ اج سرائیکی دی سُنجانڑ بارے گال کریندے۔ سلام سئیں ظہور دھریجہ۔ [1]

حوالے edit

  1. لکھت جمیل بلوچ، فیس بک پیج ، سرائیکی ساݙی سنڄاݨ، تاریخ، 25 جولائی 2019ء "