- بُلیہا! کیہ جاناں میں کون
- بلہے شاہ اساں مرنا ناہیں گور پیا کوئی ہور
- چل بلھیا چل اوتھے چلۓ جتھے ہوون سارے انے, نا کوئی ساڈی زات پچھانے نا کوئی سانوں منے
- عملاں اتے ہون نبیڑے - کھڑی رین گیاں جاتاں
- بلہا کیہ جانے زات عشق دی کون نہ سوہاں نہ کم بکھیڑے ونجے جاگر سون
یاری edit
پتھر زہن گلاب نئیں ہندے
کورے ورق کتاب نئیں ہندے
جے کر لئیے یاری بلھیا!!!
فیر یاراں نال حساب نئیں ہندے۔
پڑھ پڑھ کتاباں edit
"پڑھ پڑھ کتاباں علم دیاں تون رکھ لیا قاضی
ہتھ وچ پھڑ کے تلوار ناں رکھ لیا غازی
مکے مدینے گھم آیا تے ناں رکھ لیا حاجی
اوہ بلیا جاصل کی کیتا جے توں رب ناں کیتا راضی"
ہیرے edit
"ہیرے سستے مُل دے ویکھے
لعل تکڑی وچ تُلدے ویکھے
پُھل پیراں وچ رُلدے ویکھے
سیانے گلاں توں پُلدے ویکھے
کوئی کسی نال پیار نئیں کردا
دل دُنیا وچ کُل دے ویکھے
رنگ برنگی دُنیا ویکھی
کئی کئی رنگ اک پُھل دے ویکھے
سُکھ تے ازل توں ویری میرے
دُکھ ای اکھیاں کھلدے ویکھے
بس کر دِلا، چھڈ دے کھیڑا
چھڈ دے رام کہانی تُوں
تُو رُل گیا تے تاں کی ہوئیا
شاہ وی گلیاں چ رُلدے ویکھے۔
کج شوق سی edit
کج شوق سی یار فقیری دا
کج عشق نے در در رول دتا
کج سجنا کسر نہ چھوڑی سی
کج زہر رقیباں گھول دتا
کج ہجر فراق دا رنگ چڑھیا
کج درد ماہی انمول دتا
کج سَڑ گئی قسمت میری سی
کج پیار وچ تعوکھہ ڈھول دتا
کون کرے edit
نئیں لنگدا وقت وچھوڑے دا ۔۔۔
بن یار گزارا کون کرے ۔۔۔
دنیا توں کنارہ ہو سکدا ۔۔۔
یاراں توں کنارہ کون کرے ۔۔۔
اک دن ہووے تے لنگ جاوے بلھیا ۔۔۔
ساری عمر گزارا کون کرے ۔۔۔
بلہے شاہ edit
اسی نازک دل دے لوک ہاں،
ساڈا دل نہ یار دکھایا کر
نہ جھوٹے وعدے کیتا کر،
نہ جھوٹیاں قسماں کھایا کر
تینوں کنی واری میں آکھیا اے،
مینوں ول ول نہ آزمایا کر
تیری یاد دے وچ میں مر جا ساں
مینوں ایناں یاد نہ آیا کر
= edit
سر تے ٹوپی نیت کھوٹی
کی لینا سر ٹوپی دھر کے
تسبیح پھیری پر دل نہ پھریا
کی لینا تسبیح ہتھ پھڑ کے
چِلے کیتے پر رب نہ ملیا
کی لینا چِلیاں وڑ کے
بلھے شاہ جھاگ بنا دودھ نئیں جمدے
بھاویں لال ہووے کڑھ کڑھ کے
++++ بلہے شاہ اساں مرنا ناہیں گور پیا کوئی ہور
++++