Wq/or/କବିତା/ ସନ୍ଥ କବୀର/୮୩: ଲଗାଅ ମନ ସନ୍ୟାସରେ
ମନ ଲଗାଅ ସାଥୀ ହେ ମୋର
ଲଗାଅ ମନ ସନ୍ୟାସରେ ।
ଯେ ସୁଖ ମିଳେ ରାମ ନାମରେ,
ସେ ସୁଖ ନାହିଁ ଧନୀ ହେବାରେ,
ଲଗାଅ ମନ ସନ୍ୟାସରେ ।
ସଭିଙ୍କ ଭଲ ମନ୍ଦ ଶୁଣ ତୁ
ନିର୍ବାହ କର ତୁ ଗରିବିରେ,
ଲଗାଅ ମନ ସନ୍ୟାସରେ ।
ଏ ଛାର ତନୁ ଶେଷେ ମିଳିବ,
କାହିଁକି ବୁଲୁ ଏତେ ଗର୍ବରେ,
ଲଗାଅ ମନ ସନ୍ୟାସରେ ।
ରହିବୁ ଆମେ ପ୍ରେମ ନଗରେ,
ପ୍ରଭୁ ମିଳିଯାନ୍ତି ଅପେକ୍ଷାରେ,
ଲଗାଅ ମନ ସନ୍ୟାସରେ ।
କବୀର କହେ ଶୁଣ ହେ ସାଧୁ,
ପ୍ରଭୁ ମିଳିଯାନ୍ତି ଅପେକ୍ଷାରେ,
ଲଗାଅ ମନ ସନ୍ୟାସରେ ।