Wq/or/କବିତା/ ସନ୍ଥ କବୀର/୫୭: ଯେଉଁ ଶବ୍ଦରୁ ପୃଥ୍ଵୀ ଉତ୍ପନ୍ନ
ଯେଉଁ ଶବ୍ଦରୁ ପୃଥ୍ଵୀ ଉତ୍ପନ୍ନ, ଗ୍ରହଣ ତୁମେ ତାହାକୁ କର,
ସେ ଶବ୍ଦ ଗୁରୁ, ଜାଣିଛି ମୁହିଁ, ତେଣୁ ଶିଷ୍ୟତ୍ଵ ନେଲି ତାହାର ।
ଏମିତି କେତେ ଜଣ ଅଛନ୍ତି, ଜାଣି ନାହାନ୍ତି ଅର୍ଥ ତାହାର,
ହେ ସାଧୁ ତୁମେ ସେହି ଶବ୍ଦକୁ ସଦା ସର୍ବଦା ଭଜନ କର ।
ବେଦ ପୁରାଣ ଘୋଷଣା କରେ,
ସଂସାର ଅଛି ଏହା ଭିତରେ ।
ଋଷି ସନ୍ୟାସୀଙ୍କର ଭାଷ୍ୟ,
ଅଜଣା କିନ୍ତୁ ତାର ରହସ୍ୟ ।
ଗୃହସ୍ଥ ଶୁଣି ଘରୁ ବାହାରେ,
ଶୁଣି ଏହାକୁ ସନ୍ୟାସୀ ଫେରେ ।
ଛଅ ଦାର୍ଶନିକ ବୁଝାନ୍ତି ଅର୍ଥ,
ଶବ୍ଦ ବୁଝାଏ ତ୍ୟାଗ ନିଃସ୍ଵାର୍ଥ ।
ସାରା ସଂସାର ସୃଷ୍ଟ ଶବ୍ଦରୁ,
ପ୍ରକାଶ ହୁଏ ସେହି ଶବ୍ଦରୁ ।
କବୀର କହେ କିଏ ଜାଣିଛି ?
କେଉଁ ସ୍ଥାନରୁ ଶବ୍ଦ ଆସିଛି ।