ᡝᡨᡠᡴᡠ
ᡝᡨᡠᡵᡝ
ᡨᠠᡳᡯᡠ
ᡩᡝᡵᡤᡳ
ᡥᡡᠸᠠᠩᡩᡳ ᡳ
ᠨᡳᡵᡠᡤᠠᠨ᠉
ᠨᡠᡵᡤᠠᠴᡳ (1559-1626)᠈ ᠠᡳᠰᡳᠨ ᡤᡠᡵᡠᠨ ᡳ ᠰᡠᡵᡝ ᠪᡝᡳᠯᡝ᠉
ᡤᡳᠰᡠᡵᡝᠨ
ᠪᡳᡨ᠌ᡥᡝ ᠪᡝ ᡶᡠᡴᠵᡳᠨ ᡩᡝᡵᡳᠪᡠᡥᡝ (1599᠊ᠴᡳ ᠠᠨᡳᠶᠠ)
ᠰᠣᡥᠣᠨ ᡠᠯᡤᡳᠶᠠᠨ ᠠᠨᡳᠶᠠ᠈ ᠵᡠᠸᡝ ᠪᡳᠶᠠ ᡩᡝ᠈ ᠰᡠᡵᡝ ᠪᡝᡳᠯᡝ ᠨᡠᡵᡤᠠᠴᡳ ᠮᠣᠩᡤᠣ ᠪᡳᡨ᠌ᡥᡝ ᠪᡝ ᡴᡡᠪᡠᠯᡳᠮᡝ᠈ ᠮᠠᠨᠵᡠ ᡤᡳᠰᡠᠨ ᡳ ᠠᡵᠠᡴᡳ ᠰᡝᠴᡳ᠈ ᡝᡵᡩᡝᠨᡳ ᠪᠠᡴᠰᡳ᠈ ᡬᠠᡬᠠᡳ ᠵᠠᡵᡤᡡᠴᡳ ᡥᡝᠨᡩᡠᠮᡝ᠈ 『ᠪᡝ ᠮᠣᠩᡤᠣᡳ ᠪᡳᡨ᠌ᡥᡝ ᠪᡝ ᡨᠠᠴᡳᡥᠠ ᡩᠠᡥᠠᠮᡝ ᠰᠠᠮᠪᡳ ᡩᡝᡵᡝ᠈ ᠵᡠᠯᡤᡝᠴᡳ ᠵᡳᡥᡝ ᠪᡳᡨ᠌ᡥᡝ ᠪᡝ ᡨᡝ ᠠᡩᠠᡵᠠᠮᡝ ᡴᡡᠪᡠᠯᡳᠪᡠᠮᠪᡳ』 ᠰᡝᠮᡝ ᠮᠠᡵᠠᠮᡝ ᡤᡳᠰᡠᡵᡝᠴᡳ᠈ ᠨᡠᡵᡤᠠᠴᡳ ᡥᡝᠨᡩᡠᠮᡝ᠈
『ᠨᡳᡴᠠᠨ ᡤᡠᡵᡠᠨ ᡳ ᠪᡳᡨ᠌ᡥᡝ ᠪᡝ ᡥᡡᠯᠠᠴᡳ᠈ ᠨᡳᡴᠠᠨ ᠪᡳᡨ᠌ᡥᡝ ᠰᠠᡵᠠ ᠨᡳᠶᠠᠯᠮᠠ ᠰᠠᡵᡴᡡ ᠨᡳᠶᠠᠯᠮᠠ ᡤᡝᠮᡠ ᡠᠯᡥᡳᠮᠪᡳ᠈ ᠮᠣᠩᡤᠣ ᡤᡠᡵᡠᠨ ᡳ ᠪᡳᡨ᠌ᡥᡝ ᠪᡝ ᡥᡡᠯᠠᠴᡳ᠈ ᠪᡳᡨ᠌ᡥᡝ ᠰᠠᡵᡴᡡ ᠨᡳᠶᠠᠯᠮᠠ ᡳᠨᡠ ᡤᡝᠮᡠ ᡠᠯᡥᡳᠮᠪᡳ ᡴᠠᡳ᠈ ᠮᡠᠰᡝᡳ ᠪᡳᡨ᠌ᡥᡝ ᠪᡝ ᠮᠣᠩᡤᠣᡵᠣᠮᡝ ᡥᡡᠯᠠᠴᡳ᠈ ᠮᡠᠰᡝᡳ ᡤᡠᡵᡠᠨ ᡳ ᠪᡳᡨ᠌ᡥᡝ ᠰᠠᡵᡴᡡ ᠨᡳᠶᠠᠯᠮᠠ ᡠᠯᡥᡳᡵᠠᡴᡡ ᡴᠠᡳ᠈ ᠮᡠᠰᡝᡳ ᡤᡠᡵᡠᠨ ᡳ ᡤᡳᠰᡠᠨ ᡳ ᠠᡵᠠᠴᡳ ᠠᡩᠠᡵᠠᠮᡝ ᠮᠠᠩᡤᠠ᠈ ᡝᠨᠴᡠ ᠮᠣᠩᡤᠣ ᡤᡠᡵᡠᠨ ᡳ ᡤᡳᠰᡠᠨ ᠠᡩᠠᡵᠠᠮᡝ ᠵᠠ』 ᠰᡝᠮᡝ ᡥᡝᠨᡩᡠᠴᡳ᠈
ᡬᠠᡬᠠᡳ ᠵᠠᡵᡤᡡᠴᡳ᠈ ᡝᡵᡩᡳᠨᡳ ᠪᠠᡴᠰᡳ ᠵᠠᠪᡠᠮᡝ ᠮᡠᠰᡝᡳ ᡤᡠᡵᡠᠨ ᡳ ᡤᡳᠰᡠᠨ ᡳ ᠠᡵᠠᠴᡳ ᠰᠠᡳᠨ ᠮᡠᠵᠠᠩᡤᠠ᠈ ᡴᡡᠪᡠᠯᡳᠮᡝ ᠠᡵᠠᡵᠠ ᠪᡝ ᠮᡝᠨᡳ ᡩᠣᠯᠣ ᠪᠠᡥᠠᠨᠠᡵᠠᡴᡡ ᠣᡶᡳ ᠮᠠᡵᠠᠮᠪᡳ ᡩᡝᡵᡝ᠈ ᠨᡠᡵᡤᠠᠴᡳ ᡥᡝᠨᡩᡠᠮᡝ᠈
『ᠠ ᠰᡝᡵᡝ ᡥᡝᡵᡤᡝᠨ ᠠᡵᠠ᠈ ᠠ ᡳ ᡶᡝᠵᡳᠯᡝ ᠮᠠ ᠰᡳᠨᡩᠠᠴᡳ᠈ ᠠᠮᠠ ᠸᠠᡴᠠᡠ᠈ ᡝ ᠰᡝᡵᡝ ᡥᡝᡵᡤᡝᠨ ᠠᡵᠠ ᡝ ᡳ ᡶᡝᠵᡳᠯᡝ ᠮᡝ ᠰᡳᠨᡩᠠᠴᡳ ᡝᠮᡝ ᠸᠠᡴᠠᡠ᠈ ᠮᡳᠨᡳ ᡩᠣᠯᠣ ᡤᡡᠨᡳᠮᡝ ᠸᠠᠵᡳᡥᠠ᠈ ᠰᡠᠸᡝ ᠠᡵᠠᠮᡝ ᡨᡠᠸᠠ ᠣᠮᠪᡳ ᡴᠠᡳ』
ᠰᡝᠮᡝ ᡝᠮᡥᡠᠨ ᠮᠠᡵᠠᠮᡝ ᠮᠣᠩᡤᠣᡵᠣᠮᡝ ᡥᡡᠯᠠᡵᠠ ᠪᡳᡨ᠌ᡥᡝ ᠪᡝ ᠮᠠᠨᠵᡠ ᡤᡳᠰᡠᠨ ᡳ ᡴᡡᠪᡠᠯᡳᠪᡠᡥᠠ ᡨᡝᡵᡝᠴᡳ ᠰᡠᡵᡝ ᠪᡝᡳᠯᡝ ᠨᡠᡵᡤᠠᠴᡳ ᠮᠠᠨᠵᡠ ᠪᡳᡨ᠌ᡥᡝ ᠪᡝ ᡶᡠᡴᠵᡳᠨ ᡩᡝᡵᡳᠪᡠᡶᡳ ᠮᠠᠨᠵᡠ ᡤᡠᡵᡠᠨ ᡩᡝ ᠰᡝᠯᡤᡳᠶᡝᡥᡝ᠉
[1]
- ↑ (ᠮᠠᠨᠵᡠ ᠮᠣᠩᡤᠣ ᠨᡳᡴᠠᠨ ᡳᠯᠠᠨ ᠠᠴᠠᠩᡤᠠ᠉)中华书局汇编.《清实录·满洲实录》.中华书局.1985.ISBN：9787101007503