Ilisha Dogason Sakoo ku yet a̱tyulyuut sot a̱gwomna̱ti mali Zangon Katab wa.
Tityan edit
- A̱fwun yet A̱tuk Ladi, 1 Zwat Tsat, tswam a̱ni̱nai ma̱ng mmiti 20 a̱tyetuk, n sii neet a̱bakeang kikya ma̱ninika. Kyang ku naat mbwuot a̱ni mi̱ di̱ yong huni ma̱nang n dyiat ma̱ng a̱nwan a̱ni, a̱yaacok-a̱gwomna̱ti nshyia̱ bah. Mat, zi̱ ku nat a̱ja, a̱nak ntsa mba ka, kikya ka. Nyia̱ a̱yaacok-a̱gwomna̱ti ba ku bai a̱ja bah, ku ba̱ mi̱n bai ba̱ tyia̱ mba gba̱gbak. Yei nung da̱ a̱vwuo a̱gwomna̱ti ba huhwa yet sa̱kut, ba̱ bai ba̱ beang nzi̱t da̱nian a̱mgba̱m na̱ naat mbwuot a̱ja a̱ni yet á̱ka̱tuk nyia̱ mbwak á̱niet ba̱ ku shyia̱ ma̱ng swat hu a̱ja bya a̱ni. Si̱sak ma̱ng á̱niet a̱bakeang ba, A̱fa̱taa bya ba̱ yet. Ba̱ na bai, ba̱ na nnwuo a̱li ang ka, ba̱ na yorong a̱lyoot a̱yin ka. Kyang ku tyei a̱ga̱de nyiung ⸺ á̱ ku mbyia̱ a̱ka̱maca a̱ghyang a̱ ku saan sati hu ku swak a̱ni, á̱ si̱ niat nggu sati ku swak a̱ni meang. Ma̱nang ba̱ nnwuo a̱li a̱kya, ba̱ si̱ lyip, "Da̱ mama shyia̱ a̱ji ni?" á̱ si̱ tak ma̱ng a̱mba nyia̱ a̱byii̱k wu ka̱n khwu a̱wot á̱ ku niat nggu sati ku swak a̱ni, da̱nian ba̱ ku myim a̱khwukhwop a̱nyiuk a̱feang. Ba̱ si̱ nyia̱ da̱ mba, ba̱ nyia̱ ma̱ng a̱yaaka̱maca bah. Huhwa, ba̱ si̱ shyim a̱khwukhwop a̱nyiuk a̱feang bani nfwuo na, ba̱ si̱si̱ tak ma̱ng a̱mba nyia̱ ba̱ ghwut a̱li ka nyia̱ ba̱ cat fwui a̱li ka.
- Bwan a̱lyiat nggu hu a̱ ku bwuo ma̱ng Ango Don Bally neet mi̱ di̱n Shong mi̱ InvictaFM tazwa wum a̱ka̱sa ma̱ng hyiai á̱niet mi̱ Zangon Katab mbwak A̱fataa ba.