Wq/co/Corsi

A B C D E F G H I J L M N O P Q R S T U V W X Y Z

A

A bacia t'hà l'anchi corti. (Azilonu)

A bocca chjusa, nè moschi nè bonbucconi. (Azilonu, Frassetu)

A bocca chjusa, nè pani nè bonbucconi. (Frassetu)

A casa piglia, a casa rendi. (Frassetu)

A casa ind'eddu un ghjugni u soli Ci ghjugni u duttori. (Azilonu)

A cavaddu dunatu, un fidià denti. (Frassetu)

A chì campa n'ha da veda. (Azilonu, Frassetu)

A chi dormi un piglia pesci. (Azilonu, Frassetu, Lugu-di-Nazza)

A chì fussi induvinu, un saria mai mischinu. (Ghjannucciu)

A chì l'attempa a perdi. (Coti-Chjàvari, Frassetu)

A chì l'hà in culu l'ha in casa. (Azilonu, Frassetu)

A chì la fuma, à chì la pippa. (Merusaglia)

A chì mali vivi, mali mori. (Zèvacu)

A chì mangna u pani di u preti, bisogna à dibbità lu. (Quenza)

A chi mori, à chi s'allarga. (Azilonu, Frassetu)

A chi para fritu, para caldu. (Laretu-di-Tallà)

A chi stanta, à chi scurnochja. (Frassetu)

A chì stughji un perdi tempu. (Azilonu)

A chì t'ha culu, tira peta. (Ghjannucciu)

A chì t'hà dui casi In una ci piovi. (Azilonu, Frassetu)

A chì troppu si cala, u culu vi mostra. (Frassetu)

A chi un arrisica Un arrùzzica. (Azilonu, Frassetu)

A chi un hè beddu di natura Un vali lavatura. (Zicavu)

A chì un ni hà, un ni mangna. Sé tu voli a farina Va à coglia a castagna. (Azilonu)

A chi un sa piantà, pianta di nuvembri. (Azilonu, Frassetu)

A chi va forti, va à la morti. (Laretu-di-Tallà)

A còcciula di trè Un andò nè mali nè bè. (Azilonu) A "còcciula"= beignet au brocciu

A cumpagnia porta l'omu à a forca. (Frassetu)

A donna faci l'omu. (Lugu-di-Nazza)

A fami faci escia u lubbu di a tana. (Laretu-di-Tallà)

A festa d'Àmpaza passa. (Azilonu)

A forza di tirà a corda strappa. (Azilonu, Frassetu, Laretu-di-Tallà)

A forza d'impittà S'impara à marchjà. (Frassetu)

A Frassetu e à Tavera, un dì "cuppa" sò muntoni. (Azilonu)

A ghjara cresci ma a forza manca. (Frassetu)

A ghjastema si rivolta. (Frassetu)

A ghjastema volta e ghjira Volta in capu à chi la tira. (Azilonu)

A ghjatta magra, a donna grassa Sò a vargogna di a casa. (Frassetu)

A la fini di tanti guai Un lucchesi un manca mai. (Azilonu, Frassetu)

A lingua ossu un hà e ossu tronca. (Azilonu, Frassetu)

Alternative 1: A lingua un hà ossa ma i faci rompa. (Ghjannucciu)

A lu lumu di la deda Cannavacciu pari tela. (Azilonu)

A machja, ochji un ha ma ochji teni. (Frassetu)

A pratica vinci a grammatica. (Cuzzà)

A più bedda risa hè quidda chi esci da a bocca di l'addulurati. (Frassetu)

A quandu Pasqua, à quandu tasca. (Laretu-di-Tallà)

A raghjoni hè a toia E a capra hè a meia. (Azilonu, Frassetu)

A raghjoni hè verbali. (Azilonu)

A règula ci sta bè Ancu in casa di u rè. (Ghjannucciu)

A rumbu d'impittà S'impara à viaghjà. (Var: À forza...) (Laretu-di-Tallà)

A strada bedda un hè mai longa. (Zèvacu)

A tola e à lettu Alcunu rispettu. (Frassetu)

A un bon' cani si dà un bon ossu. (Azilonu, Frassetu)

A u pocu e à l'aspissu si sbiota u boscu. (Laretu-di-Tallà)

A vigna dici à u patronu : fà mi pòvara e ti faraghju riccu. (Azilonu, Frassetu)

A vita hè una affaccata di balconu. (Frassetu)

Alternative 1: A vita hè una affaccata à u purtellu. (Lugu-di-Nazza)

A volpi perdi u pelu ma micca u viziu. (Azilonu, Frassetu)

Accantu u focu, a paglia ci stà mali. (Frassetu)

Alternative 1: Accantu u focu, a scopa ci stà mali. (Frassetu)

Alternative 2: Accantu u focu, a stoppa ci stà mali. (Frassetu)

Aceddu in cabbia S'eddu un canta d'amori Canta di rabbia. (Frassetu)

Aghji fedi E Diu pruvvèdi. (Azilonu)

Aiacciu, Aiacciu Un vi ni ghjungni Un vi ni caccia. (Laretu-di-Tallà)

Aiuta ti, Diu t'aiuta. (Frassetu)

Alliscia a mamma par avè a figliola. (Frassetu)

Amori e signuria un vòlini cumpagnia. (Frassetu)

Ampaza, niccia niccia Par un soldu edda si piccia. (Azilonu)

Ancu a pulgia t'ha a tossa. (Frassetu, Lugu-di-Nazza)

Ancu l'onori sò castighi. (Frassetu)

Annata d'erba Annata di merda. (Frassetu, Laretu-di-Tallà)

Aostu seccu Castagna par ogni ceppu. (Frassetu)

Aprili Desfa purcili. (Frassetu) (Variante : ... spigni purcili.)

Aqua corri e sangui strigni. (Frassetu)

Aqua d'aostu Oliu e mostu. (Frassetu, Laretu-di-Tallà)

Aqua di luddu Un faci bè à nudda. (Laretu-di-Tallà)

Aqua minuta Ghjugni à l'ossu E un hè criduta. (Frassetu) Variante : ... ghjugni à i carri

Arca da mani Attigni i funtani Arca da sera Spanna li veli. (Laretu-di-Tallà)

Azilonu Fiori di cantonu. (Azilonu)

Azilonu Pocu hè bonu. (Azilonu)

B

Babbi e mammi tonti, figlioli astuti. (Azilonu)

Balanini, unti e fini.

C

Cacciù, piscù, debiti in casa e pezze à u culu. (Santa Reparata di Balagna)

Campa scuffia, chi barretta passa e veni. (Azilonu) a scuffia = la coiffe

Carnivali in balconu Pasqua à u tizzonu. (Laretu-di-Tallà)

Carti ghjòcani e ghjucadori si vanta. (Azilonu, Frassetu)

Casi frà li casi e vigni frà li vigni. (Frassetu)

Cavaddu di trenta Mai piu ch'eddi ci n'entri. (Azilonu, Frassetu)

Cavaddu vechju, zecchi e moschi. (Frassetu, Laretu-di-Tallà)

Ch'eddu durghi tantu u mal'vicinu Quant'edda dura a nevi marzulina. (Laretu-di-Tallà)

Chè lu mal' vicinu Un durghi chè quant'è a nevi marzulina. (Frassetu)

Chì campa spirendu Mori caghendu. (Azilonu, Frassetu)

Chi càusa ha la gatta Si a patrona hè matta. (Frassetu)

Chì cerca trova. (Azilonu, Frassetu)

Chi ci hè di più neru chè a paredda. (Azilonu)

Chì cù la spada ferisci Per la spada perisci. (Azilonu)

Chi di ghjaddina nasci in terra ruspa. (Azilonu, Frassetu)

Chì di piombu Tomba Di piombu mori. (Frassetu)

Chì disprezza, compra. (Frassetu)

Alternative 1: Chì disprezza vol' cumprà. (Azilonu)

Chi hà da fà a ghjatta Si a patrona hè matta. (Azilonu)

Chi muta Muga. (Azilonu, Frassetu)

Chi nasci Pasci. (Frassetu)

Chi posa Mal pensa. (Azilonu, Frassetu)

Chi si chjina incu i ziteddi s'arrizza camisgimerdosu.

Alternative 1: Chi si chjina incu i ziteddi s'arrizza u culu merdosu. (Azilonu, Frassetu)

Alternative 2: Chi si chjina cu i ziteddi s'arrizza culimerdosa. (Ghjannucciu)

Chi t'hà solda e amicizia Torci u nasu à a ghjustizia. (Azilonu, Frassetu, Ghjannucciu, Laretu-di-Tallà)

Chì un invechja Hè pena di vita. (Azilonu, Frassetu)

Chi va e volta, bon' viaghju faci. (Azilonu, Frassetu)

Chi va e volta, bon' viaghju ha fattu. (Laretu-di-Tallà)

Chi va pianu va sanu E chi va sanu va luntanu. (Frassetu)

Chì vadagna in prima mani Si ni va à calzi in mani. (Frassetu)

Chi vo fà anguìdia à u so vicinu Si chinghi prestu e s'arrizza matina. (Laretu-di-Tallà)

Chì voli l'armi e i so bisogni, i porta di cuntìnuu. (Laretu-di-Tallà)

Ci voli à lacà u fusu À chi n'ha l'usu. (Frassetu)

Ci voli à nascia Par pascia. (Azilonu)

Ciò ch'edda faci a mani dritta, un devi veda a mani manca. (Azilonu)

Ciò chi hè scrittu in celi segui in terra. (Azilonu, Frassetu)

Ciò chi un tomba ingrassa. (Frassetu)

Ciò chi teni À luna vecchja Ciò chi sfronda À luna tonda. (Azilonu, Frassetu)

Ciriola, Ciriola S'eddu venta o s'eddu piovi Di l'invernu semu fora. E s'edd' hè beddu tempu Par trenta semu drentu. (Azilonu)

Com'hè corcia a panca Indù un ci posa barba bianca. (Azilonu, Frassetu)

Com'hè corcia quidda sporta Chi nun faci arrega e porta. (Azilonu)

Corciu à chi un ha à nimu. (Azilonu, Frassetu)

Cosa fatta, loda la ! (Frassetu)

Cristu un paga micca tutti i vènnari sera. (Azilonu, Frassetu)

Cunsigliu di topa e dannu di farina. (Azilonu, Frassetu)

D

Da dì à fà Hè com'è da tonda à filà. (Azilonu, Frassetu)

Da parè ad essa Hè com'è da orda à tessa. (Azilonu, Frassetu)

Di dà ciò ch'un s'hà Hè sempri carità. (Azilonu)

Di fà ciò chi hè fattu Un hè piccatu. (Azilonu, Frassetu)

Di u cateddu tontu, a volpi si ni sfaci. (Azilonu)

Di u tempu e di u guvernu, un ti n'accupà. (Frassetu)

Diu ti vardi di un bon' ghjinnaghju. (Azilonu, Frassetu)

Donna chi posa mal'pensa. (Merusaglia)

Donna, dannu. (Ghjannucciu)

F

Fà à parera e tèniti à tè. (Azilonu)

Fasgiulini fini fini, poma d'oru e schiassulà. (Laretu-di-Tallà)

Fatti di notti, risi di ghjornu. (Frassetu, Laretu-di-Tallà)

Figlioli chjughi, pinseri chjughi.Figlioli maiori, pinseri maiori. (Azilonu, Frassetu)

Fiori di mintucciu Più dicu torra da Più mi s'incuccia. (Azilonu)

Focu d'alzu Focu falsu. (Azilonu)

Fora u denti Fora a pena. (Frassetu)

Frivaghju, t'hà setti barretti. (Frassetu, Zevacu)

Frivaghju Un lacà di fà u to viaghju. (Zevacu)

Furciolu, forca. (Azilonu)

G

Ghjaddina ch'un becca biccattu hà. (Azilonu, Frassetu)

Ghjàgaru abbaghja e boiu pasci. (Azilonu, Frassetu)

Ghjiru monti, ghjiru castedda Trovu maritu, ma un trovu frateddu. (Laretu-di-Tallà)

Ghjumenti pudditrata un bii mai aqua linda. (Azilonu, Frassetu)

Ghjuntu u timpurali i ghjàcari facini a so casa. (Azilonu)

Guargualè, Guargualè Ghjàrgala era e ghjàrgala hè. (Frassetu)

H

Hè com'e i sgiò di la Rocca, mori fumu e pocu arrostu. (Azilonu)

Hè l'ochji di u patronu chì ingrassa u cavaddu. (Azilonu, Frassetu)

Hè megliu à cumprà mali chè à venda bè. (Cavru)

Hè megliu à stà accantu un cacadori Cà accantu un zuccadori. (Frassetu) [zuccadori = tailleur de pierre]

Hè mègliu ad essa solu cà mali accumpagnatu. (Frassetu)

Alternative 1: Mègliu solu ché mali accumpagnatu. (Azilonu)

Hè megliu ghjenti Ca arghjentu. (Azilonu, Frassetu)

Hè megliu pocu chè micca. (Azilonu, Frassetu)

I

I corbi cù i corbi e i currachji cù i currachji. (Frassetu)

I funi longhi diventani sarpi. (Azilonu, Frassetu)

I guai di a pignatta Un i sà cà u cuchjaronu. (Variante : ... Un i cunnosci cà a cuchjara.) (Frassetu, Ghjannucciu)

Alternative 1: I guai di a pignatta Un i cunnosci chè a cuchjara. (Azilonu)

I morti incu i morti e i vivi incu i vivi. (Azilonu, Frassetu)

I parenti Sò i denti. (Azilonu, Frassetu)

I nostri pruverbi so santi è ghusti. (Òlcani)

I più beddi peri i màngnani i porchi. (Frassetu)

I porchi si bàsgiani Annata di ghjandi. (Frassetu)

I solda sò tondi e capùlani. (Azilonu)

I solda un vènini micca cantendu. (Azilonu, Frassetu)

In bucca chjusa un n'entri musca. (Laretu-di-Tallà)

In cumpagnia, u frati presi moglia. (Azilonu, Frassetu)

In ghjesgia grandi un crepa preti. (Laretu-di-Tallà)

In ogni lettu, ci hè pulgi. (Frassetu)

In i Pinticosti Chì un l'affesta li costa. (Laretu-di-Tallà)

In u pratu un cacà, In u boscu un parlà. (Merusaglia)

Ind' eddu un ci n'hè, Diu purveddi. (Frassetu)

Ind' eddu un ci n'hè un ci n'entri. (Azilonu, Frassetu)

Indù l'àsinu mori, u pelu ci resta. (Frassetu)

Intrutu ghjinnaghju Porta u boiu à u scupaghju. (Laretu-di-Tallà)

Isciuta vindèmia, appicca a sporta. (Frassetu)

L

L'aqua va à u mare. (Merusaglia)

Làcrima di donna hè funtana di malizia. (Frassetu)

Laga u buddenti E succorri l'appartenti. (Frassetu)

Lega mi mane e pedi e lampa mi à mezu à i mei. (Santa Reparata di Balagna)

L'amori hè cecu. (Frassetu)

L'ànima à Diu, e a ropa à chi si devi. (Frassetu)

L'ànima à Diu, u corpu à a terra. (Azilonu)

L'aqua sfonda i ricci. (Azilonu, Frassetu)

L’acqua fa fanga,u vinu fa bon sangue. (Òlcani)

L'aqua va à u mari. (Azilonu, Frassetu) (Variante : I vadini vani à u mari.)

L'arti di Micalassu Mangnà, bia e andà à spassu. (Azilonu)

L'imbroglii sò in a sacchetta. (Lugu-di-Nazza)

L'omu pruponi E Diu disponi. (Laretu-di-Tallà)

L'ottu d'aprili U cuccu si devi sentire S'eddu un si senti Hè mortu o per murire. (Frassetu)

Alternative 1: L'ottu d'aprili U cuccu devi venire S'eddu un veni lu diciottu U cuccu hè mutu o hè mortu. (Azilonu)

M

Mamma scagna E ghjatta mangna. (Azilonu)

Mariteddu tamant'è un ditu Ièddu voli essa rivaritu. (Frassetu)

Marzu, Catarzu, figliolu di mangnonu M'ha presu tutti i me agneddi e un m'ha lacatu cà un agnonu. - O Aprì, u me frateddu, dà mi ni dui chì un l'aghju da par mè (Zevacu) Mangnonu hè u mesi di frivaghju. I dui ghjorna sò i pristaticci.

Marzu, Catarzu, figliolu di mangnonu M'ha presu tutti i me agneddi e i mè agnona. - O Aprì, lu me frateddu, presta mi ni dui chì aghju da fà penta u falsu picuraghju. (Frassetu)

Marzu siccu Par u bugnu e par u beccu. (Laretu-di-Tallà)

Marzu piuviosu Bugnu varmicosu E bèccu muccicosu. (Laretu-di-Tallà)

Matinati di maghju E sirintini di ghjinnaghju. (Laretu-di-Tallà)

Matrimonii e viduvali So dal celi distinati. (Azilonu, Frassetu)

Matrimoniu sittimbrinu O vèduvu o mischinu. (Azilonu, Frassetu)

Mi tagli, mi puti. Mi brusgi, mi suvi. (Zevacu)

Miseria e puvertà Son dui sureddi E scuncertina hè la cucin' carna. (Azilonu)

Morghi chi morghi Cantà vogliu eiu. Quand'e morgu eiu Canti chi vogli. (Azilonu, Frassetu)

Mori più capretti chè capri vechji. (Frassetu)

Mori più agnedda ca muntona. (Laretu-di-Tallà)

Mortu pinzutu, appinza ti ni un antru. (Azilonu, Frassetu)

Mortu u Cristu, spintu u lumu. (Azilonu, Frassetu)

Mossu la verra Bucia quant'é terra. (Laretu-di-Tallà)

Innanzi chè micca, maritu vechju. (Azilonu, Frassetu)

N

Nanzi ghjunta la so ora Nè si nasci nè si mori. (Azilonu, Frassetu)

Natali à u balconu Pasqua à u fuconu. (Azilonu, Frassetu)

Natali in balconu Pasqua à u ziddonu. (Laretu-di-Tallà)

Natali à u ghjocu Pasqua à u focu. (Azilonu, Frassetu)

Natu a parsona, natu u distinu. (Frassetu)

Nè essa nè fà si E quant'e à ghjittà si. (Azilonu)

Nè in vènnari nè in luni Un dà principiu à a to funi. (Frassetu)

Alternative 1: Nè vènnari nè luni Un cumincià a to funi. (Azilonu)

Nè ziteddi nè cateddi Un avvizzà à u to scudeddu. (Frassetu)

O

O ben' tusu o mal' tusatu In quattru ghjorna hè appariatu. (Laretu-di-Tallà)

O Signori Feti ci pastori In a branata E purcaghji in invirnata. (Azilonu, Frassetu)

Oghji eiu, dumani tù. (Azilonu, Frassetu)

Ogni cecu piegni i so ochji. (Azilonu, Frassetu)

Ogni ghjatta t'hà a so coda. Ghjatta ci hè ma coda un n'hà. (Azilonu, Frassetu)

Ogni sèculi e centunari L'aqua volta à li so canali. (Azilonu)

Ogni tontu t'hà u so filu. (Azilonu, Frassetu)

Ognunu bii incu a so bocca. (Frassetu)

Ognun' chì piscia arrittu à u muru Hà lu ficu par sicuru. (Azilonu)

Ognunu piegni incu i so ochji. (Frassetu)

Ognunu sa ciò chi boddi in a so pignatta. (Azilonu, Frassetu)

Omu dormi e carta veghja. (Azilonu)

Ora vivu ora mortu. (Azilonu, Frassetu)

P

Pàghani i chjughi par i maiori. (Azilonu, Frassetu)

Pani e parnici : Affari di casa un si ni dici. (Frassetu)

Par cunnoscia la ghjenti, ci voli à mangnà una somma di sali insemu. (Frassetu)

Par maghju o par maghjonu Un ti caccià u to pilonu. (Azilonu, Frassetu, Laretu-di-Tallà)

Par un colpu un casca l'àrburi. (Azilonu, Frassetu)

Par via di u patronu si rispeta u ghjàgaru. (Frassetu)

Alternative 1: Par via di u patronu si rispeta u cavaddu. (Azilonu, Frassetu)

Par viaghju s'acconcia a somma. (Azilonu, Frassetu)

Pastasciuta e macarona Più sò caldi più sò boni. (Frassetu)

Pècura nera e pècura bianca A chi mori mori, à chi campa campa. (Azilonu, Frassetu, Laretu-di-Tallà)

Prima sò eiu, eppo dopu u me figliolu. (Lugu-di-Nazza)

Più hè parenti E più ghjentri. (Frassetu)

Piu pècuri, piu mocci. (Azilonu, Frassetu)

Piu pècure, piu mocce. (Lugu di Nazza, Santa Reparata di Balagna)

Più si campa e più si n'impara. (Azilonu, Frassetu) (Variante : ... più si ni vedi.)

Poni in terra e spera in Diu. (Azilonu, Frassetu)

Prigheti par i beddi ch'è i mali a si stàntani. (Azilonu )

Q

Quand'è Pisa fù brusgiata, piuvì trè notti e trè ghjorni. (Azilonu )

Quand'è tù credi d'essa à cavaddu un sè mancu à pedi. (Frassetu)

Quandu a pràscula fiurisci e matura I ghjorni e i notti sò d'una misura. (Frassetu)

Quandu a presca fiurisci e matura Da li notti à li ghjorna sò d'una misura. (Laretu-di-Tallà)

Quandu canta la cigala Lu purcaghju piègni e para. Quandu canta la ranochja Lu purcaghju si spidochja. (Laretu-di-Tallà)

Quandu ellu canta lu cuccu Muta pèlu lu singhjari E la gallina faci l'ovu Senza mancu nidicali. E lu beccu inchjirchja i corra Chi ni pari un ginirali. (Laretu-di-Tallà)

Quandu ellu piovi e faci lu soli Tandu la vulpi faci l'amori. (Laretu-di-Tallà)

Quandu da la forza à la raghjoni cuntrasta, vinci la forza e la raghjoni ùn basta. (Laretu-di-Tallà)

Quandu u boie un vole beie ùn ci hè bisognu di fiscà. (Santa Reparata di Balagna)

Quandu u ghjàcaru invechja, a volpi li piscia addossu. (Azilonu, Frassetu)

Quandu u porcu hè tecchju si volta a trova. (Azilonu, Frassetu, Laretu-di-Tallà)

Quandu u soli hè in Azilonu Mangna puri u to bucconu. (Azilonu, Frassetu)

Quandu u soli tramonta U pultronu s'appronta. (Azilonu, Frassetu, Laretu-di-Tallà)

Quandu veni u mesi di maghju A la donna li cresci lu pèlu E lu cazzu pidda curaghju. (Laretu-di-Tallà)

R

Ronchi samirini un còddani in celi. (Frassetu)

Alternative 1: :Ronchi samirini un ni codda in celi. (Azilonu)

Ropa chi un hè vista, un po essa stimata. (Frassetu)

Russura à la marina Bon' tempu la matina. Russura à la muntagna Aqua e ventu à li calcagna. (Azilonu, Frassetu)

S

S'eddu suniteghja in Capu di Staghju Lascia puri u granu in arghja. S'eddu suniteghja in Capu di Muru Mettilu à u sicuru. (Azilonu )

Saccu biotu un pò stà rittu. (Azilonu, Frassetu)

Alternative 1: :Saccu biotu un teni rittu. (Laretu-di-Tallà)

Saccu biotu un pò stà rittu, troppu pienu un si pò torcia. (Ghjannucciu)

Saccu pienu un pò piigà. (Azilonu, Frassetu)

Saccu piènu un si pò torcia. (Laretu-di-Tallà)

Sameri chi grogna Un ti fà vargogna. (Frassetu)

Santa Maria, Sichè A chi un hè latru un ci stà bè. (Azilonu, Frassetu) (Variante : Sichè, Santa Maria A chi un hè latru un ci stia.)

Sapiutu la trè Sapiutu lu rè. (Azilonu )

Sé Bastèlica t'avia u portu Aiacciu saria l'ortu. (Frassetu)

Alternative 1: Sé Bastèlica avia un portu Aiacciu accantu era un ortu. (Azilonu)

Sè i guai si mittiani à u soli Ognunu si ripigliaria i soi. ()

Sè u ghjòvanu vulissi e u vechju pudissi. (Frassetu)

Sè u mari fussi vinu, quantu ci saria briaconi. (Ghjannucciu)

S'eddu suniteghja in Capu di Staghju Lascia puri u granu in arghja. S'eddu suniteghja in Capu di Muru Mettilu à u sicuru. (Frassetu)

Si sbaglia ancu u preti à l'altari. (Azilonu, Frassetu)

Sia mali o sia bè Cristu un dici par quistu hè. (Azilonu )

Sin'à San'Martinu, fà caccia e metti vinu. Passatu San'Martinu, succedda lu to vinu. (Laretu di Tallà)

Soldu di pòvaru omu e cuglia di ghjàcaru, un si ni poti mai piattà. (Frassetu)

Spezza u tempu in San' Bartolu. (Frassetu)

Sparti ricchezza e torra puvertà. (Azilonu, Frassetu)

Sproni mei e cavaddu di l'altri. (Azilonu, Frassetu)

T

Tal calzu, tal magliolu Tal babbu, tal figliolu. (Frassetu)

Tantu ch'eddu ci hè vita, ci hè speranza. (Frassetu)

Tantu da casa meia cà da casa toia. (Lugu-di-Nazza)

Tempu scuru, puzza l'ugliata. (Muratu)

Tigliolu, ti vogliu. (Zigliara)

Tinta quidda panca Dund'un ci posa barba bianca. (Ghjannucciu)

Tintu à chi l'hà a so cena à u fiumu. (Laretu-di-Tallà)

Tira più un pelu di muzza in cuddata Cà dui paghji di boia in falata. (Frassetu)

Alternative 1: Tira più un pelu di muzza in cuddata Cà un paghju di boia in falata. (Azilonu)

Tocca e lecca ó Antò chi hè festa Sempri tocca e mai n'arresta. (Azilonu)

Tràmula di ghjugnu Alivi in pugnu. (Azilonu)

Tuttu lacatu hè persu. (Frassetu)

Tutti i ghjorna si n'impara. (Azilonu)

U

U bè di l'avaru u si magna u furfanti. (Azilonu, Frassetu)

U bè di luntanu si ferma par istrada. (Laretu-di-Tallà)

U boiu chi un vo bia Hè un gattivu zifulà. (Frassetu, Laretu-di-Tallà)

U candidatu prummetti piu casgiu chè pani. (Azilonu, Frassetu)

U cavaddu ghjastimatu, u pelu li luci. (Frassetu)

A u cavaddu ghjastimatu, li luci u pelu . (Vicu)

U celi à volta di pani S'eddu un piovi oghji, piovi dumani. (Frassetu)

U corbu dici chi u più beddu piulaconu hè u soiu. (Azilonu)

U cuccu S'ellu un canta lu diciottu O ellu hè persu o ellu hè mortu. (Laretu-di-Tallà)

U discorsu porta l'omu à a forca. (Azilonu, Frassetu)

U duttore passa e vene, à chì ha u male u si tene. (Òlcani)

U fretu di marzu ghjentri in u corru di u boiu. (Frassetu)

U ghjacaru chi suvita, un ha bisognu di dà li u bucconu. (Laretu-di-Tallà)

U lucchesu un hè sicuru Ca incu u so uncinu à u culu. (Frassetu)

U mari accoglii i vadini. (Azilonu)

U megliu oru hè quiddu chi piega. (Frassetu)

U mittiticciu va da a porta à u balconu. (Azilonu)

U mondu hè fattu à scala A chi codda e à chi fala. (Azilonu, Frassetu, Ghjannucciu, Lugu-di-Nazza)

U peghju calciu hè quiddu di u cavaddu mansu. (Azilonu, Frassetu)

U piu beddu ceppu, teni lu à maghju. (Frassetu)

Alternative 1: U piu beddu ceppu, teni lu par maghju. . (Azilonu)

U sameri chi un vo bia hè un gattivu zifulà. (Variante : U boiu...) (Azilonu, Frassetu)

U Signori à qual' eddu ama, tocca. (Azilonu )

U Signori dà a ropa à chi un ha denti. (Frassetu)

U Signori dà u biscottu à quiddu chi t'hà i denti. (Azilonu, Frassetu)

U Signori dà u fretu sicondu i panni. (Azilonu, Frassetu)

U sole, ind'ellu un luce un scalda. (Merusaglia)

U soli marzulinu Di i donni fà strascinu. (Frassetu) (Variante : ...Di i beddi donni ni faci u strascinu.)

U soli sorti par tutti. (Frassetu)

U tassu Durgu trè centu anni Trè verdi, siccu e passu. (Laretu-di-Tallà)

U techju un credi u famitu. (Azilonu, Frassetu, Laretu-di-Tallà)

U troppu bè s'arrivolta. (Azilonu, Frassetu)

U troppu stroppia.

Un babbu e una mamma addèvani deci figlioli.E deci figlioli un poni tena un babbu e una mamma. (Frassetu)

Un chjameti povar'omu A chi t'hà un chjosu in Valgonu. (Furciolu)

Un ci hè sàbatu senza soli Comu donna senza amori. (Azilonu, Frassetu)

Un disòrdini Faci un òrdini. (Azilonu, Frassetu)

Un fà mali chi hè piccatu. Ma un fà bè chi hè ghjittatu. (Azilonu, Frassetu) Variante : ...chi hè mancatu.)

Un ghjudicà a to vita Fin à l'òpara finita. (Frassetu)

Un hè bella quella sporta Chi arrega e nun porta. (Laretu-di-Tallà)

Un hè bellu quel' chi hè bellu, quantu hè bellu quel' chi piaci. (Frassetu)

Un hè micca tutti i ghjorni festa. (Azilonu, Frassetu)

Un hè micca sempri festa in Àmpaza. (Frassetu)

Un si mori chè una volta. (Azilonu, Frassetu, Laretu-di-Tallà)

Un si po dì "prruci" senza labbri. (Frassetu)

Alternative 1: Un si po fà "prrù" senza labbri. (Azilonu)

Un si po fà u passu più longu chè l'infurcatura. (Frassetu)

Alternative 1: Un si po fà u passu più largu chè a ghjamba. (Azilonu)

Un si po tena i dui pedi in u scarpu. (Frassetu)

Alternative 1: Un si po stà di dui pedi in un' scarpu. (Azilonu)

Un ti fidà di u pidochju rifattu. (Azilonu)

Alternative 1: Un ti fidà di u viddanu rifattu. (Azilonu)

Un ti rida di u mè dolu Quandu u meiu hè vechju, u toiu hè novu. (Azilonu, Frassetu)

Un trema una foglia Chi Diu nun voglia. (Azilonu)

Una casa, si sa qual'hè chi a faci ; un si sa quiddu chi l'ha da goda. (Frassetu)

Alternative 1: Una casa, si sa qual'hè chi a faci ; un si sa qual'hè chi a godi. (Azilonu)

Una donna faci e sfaci una casa. (Azilonu, Frassetu)

Una lingua si cheta, un populu si more. (Òlcani)

Una mani lava l'altra e tremindù làvani u visu. (Laretu-di-Tallà)

Alternative 1: Una mani lava l'altra e i dui làvani a faccia. (Azilonu )

V

Vali più un tontu à fattu soiu cà centu astuti à quiddi di l'altri. (Azilonu, Frassetu)

Vargualè, Vargualè Ghjàrgala era e ghjàrgala hè. (Azilonu)

Verbi volen, scritti manen. (Aiacciu) (verba volent, scripta manent)

Vesti un bastonu Pari un baronu. Vesti una tama Pari una dama. (Azilonu, Frassetu)

Vistu l'omu Vistu a raghjoni. (Azilonu, Frassetu)

Z

Zigliara Focu e fiara. (Azilonu)

Zoza di mala furtuna Chi d'inguernu un vidi soli E d'istati un vidi luna. (Laretu-di-Tallà)

See also: List of proverbs.

pruverbii corsi in francesu

pruverbii corsi in talianu

pruverbii corsi in inglesu

pruverbii siciliani