ⵢⵏⵏⴰⵢⵔ ⴷ ⵉⵅⴼ ⵏ ⵓⵙⴳⴳⴰⵙ ⵖⵓⵔ ⵉⵎⴰⵣⵉⵖⵏ ⵢⵜⵜⴰⵙ-ⴷ ⴷⴳ ⵡⴰⵙⵙ ⵡⵉⵙ ⵎⵔⴰⵡ ⴷ ⵙⵉⵏ (12) ⵏ ⵡⴰⵢⵢⵓⵔ ⵏ ⵢⵏⵏⴰⵢⵔ (ⴰⵕⵓⵎⵉ) ⵏ ⴽⵓ ⴰⵙⴳⴳⴰⵙ. ⴷ ⴰⵏⵙⴰⵢ ⵏⵖ ⴷ ⵜⴰⵎⴰⵜⴰⵔⵜ ⵏ ⵉⵎⴰⵣⵉⵖⵏ, ⴷ ⵢⵉⵡⵏ ⵏ ⵍⵇⴷⵉⵛ ⵉⴷ ⵢⵍⵃⴰⵏ ⴰⵟⵟⴰⵙ ⵏ ⵜⴰⵙⵓⵜⵉⵏ. ⴰⵔ ⴰⵙⵙⴰ ⴷⴳ ⵎⴰⵕⵕⴰ ⵜⴼⵔⵉⵇⵜ ⵓⴳⴰⴼⴰ ⴰⵏⴷⴰ ⵜⵜⵉⴷⵉⵔⵏ ⵉⵎⴰⵣⵉⵖⵏ, ⴷⴰ ⵙⴼⵓⴳⵍⴰⵏ ⵙ ⵓⵎⵏⵣⵓ ⵏ ⵢⵏⵏⴰⵢⵔ ⵙ ⵢⵉⵡⵜ ⵏ ⵜⵎⵖⵔⴰ ⵜⴰⵎⵇⵇⵔⴰⵏⵜ, ⴰⵛⴽⵓ ⴷ ⵢⵉⵡⵏ ⵡⴰⵙⵙ ⴷⴰ ⵢⵙⵎⴰⴽⵜⴰⵢⵏ ⵙ ⵛⵉⵛⵓⵏⴳ, ⵢⵉⵡⵏ ⵏ ⵓⴳⵍⵍⵉⴷ ⴰⵎⴰⵣⵉⵖ ⴰⴼⵔⵄⵓⵏ ⵢⵏⴱⴹⵏ ⵉⵎⴰⵚⵔⵉⵢⵏ ⴰⵙⴳⴳⴰⵙ ⵏ 950 ⴷⴰⵜ ⵜⴰⵍⴰⵍⵉⵜ ⵏ ⵄⵉⵙⴰ. ⴰⵙⵙ ⵏⵉ ⵉ ⵢⵔⴱⴰⵃ ⵓⴳⵍⵍⵉⴷ ⵛⵉⵛⵓⵏⴳ ⵉⵎⵏⵖⵉ ⵏⵏⴰ ⵢⵍⵍⴰⵏ ⵊⴰⵔ ⴰⵙ ⴷ ⵉⴼⵔⵄⵓⵏⴻⵏ ⴷⵉ ⵜⵎⵓⵔⵜ ⵎⵉⵚⵔⴰ, ⵎⴱⴰⵄⴷ ⵜⴰⴳⵍⴷⴰ ⵜⵉⵙ 22.
ⴷⴼⴼⵉⵔ ⴰⴽⵓⴷ ⴰⴷ ⴱⴷⴰⵏ ⵉⵎⴰⵣⵉⵖⵏ ⴷⴰ ⵜⵜⵃⴰⵙⴰⴱⵏ ⵓⵙⵙⴰⵏ. ⵢⵜⵜⵉⵍⵉ ⴷ ⵓⵙⴼⵓⴳⵍ ⵏ ⵢⵉⵅⴼ ⵏ ⵓⵙⴳⴳⴰⵙ ⵢⴳⴳⵔⴰⴷ ⴰⵔ ⵜⵓⵔⴰ. ⴰⵟⵟⴰⵙ ⵏ ⵍⵇⴷⵉⵛ ⵉⴷ ⵉⵛⵓⴷⴷⵏ ⵖⵔ ⵓⵙⴼⵓⴳⵍ ⵏ ⵢⵏⵏⴰⵢⵔ ⴰⵎ ⵜⴰⵎⵓⵔⵜ ⵏ ⵉⵛⴰⵡⵉⵢⵏ ⵢⵜⵜⵉⵍⵉ-ⴷ ⴷⴳ ⵙⴰ ⵏ ⵡⵓⵙⵙⴰⵏ ⴷ ⵙⴰ ⵏ ⵡⴰⴹⴰⵏ, ⵜⵉⵍⴰⵡⵉⵏ ⵜⵜⴱⴷⴷⵉⵍⵏⵜ ⵉⵏⵢⵏ ⴷ ⵜⴳⵊⴷⴰ ⵏ ⵓⵇⵉⴹⵓⵏ ⵖⴼ ⵡⴰⵢ-ⴰ ⵉ ⴰⵙ-ⵇⵇⴰⵔⵏ ⵉ ⵓⵎⵣⵡⴰⵔⵓ ⵏ ⵢⵏⵏⴰⵢⵔ (ⴱⵓⵢⵏⵉ) ⵎⴰ ⴷ ⵉⵔⴳⴰⵣⵏ ⵜⵜⵓⵔⴰⵔⵏ ⴷⴷⴰⴱⵅ ⵏ ⵓⴹⴰⵔ ⵏⵖ ⵖⵟⵟⵍⵏ ⵍⵖⵔⵓⴹ ⵙ ⵜⵢⵉⵜⵉⵡⵉⵏ ⵏ ⵍⴱⴰⵔⵓⴷ ⵙ ⵍⵎⴽⴰⵃⵍ.
ⴷⴳ ⵜⵎⵓⵔⵜ ⵏ ⵍⵇⴱⴰⵢⵍ, ⵢⵎⴳⴰⵔⴰⴷ ⵓⵙⴼⵓⴳⴳⵍ ⵖⴼ ⵉⵎⵣⴷⴰⵖ ⵏ ⵢⵉⵛⴰⵡⵉⵢⵏ, ⴰⴷ ⵏⴰⴼ ⵜⵉⵍⴰⵡⵉⵏ ⵜⵜⵀⴳⴳⵉⵏⵜ-ⴷ ⵉⵎⵏⵙⵉ ⵏ ⵢⵏⵏⴰⵢⵔ ⵙ ⵙⴽⵙⵓ ⴷ ⵓⴽⵙⵓⵎ ⵏ ⵓⵢⴰⵣⵉⴹ ⴱⵓ ⵙⴰ (7) ⵏ ⵢⵉⵙⵓⴼⴰⵔ ⴷⴳⵙⵏ: ⵉⴱⴰⵡⵏ, ⵍⵃⵎⵎⵣ, ⵍⵓⴱⵢⴰⵏ ⵏ ⵍⵇⴱⴰⵢⵍ, ⵍⴰⵄⴷⵙ,ⵜⴰⵊⵉⵍⴱⴰⵏⵜ… ⵎⵉ ⴰⵔⴰ ⴷ-ⵜⵙⵙⵔⵙ ⵜⵡⴰⵛⵓⵍⵜ ⵓⵞⵞⵉ, ⵜⴻⵜⵜⵏ ⴷⴳ ⵢⵉⵡⵏ ⵏ ⵓⴹⴱⵙⵉ ⵏⵖ ⴰⵢⵏ ⵉⵡⵓⵎⵉ ⵏⵇⵇⴰⵔ ⵜⴰⵔⴱⵓⵜ; ⵍⵍⴰⵍ ⵏ ⵓⵅⵅⴰⵎ, ⵓⵔ ⵢⵜⵜⵄⴷⴷⵉ ⴰⵔⴰ ⴼⵍⵍⴰⵙ ⵓⵣⴰⵢⵍⴰⵍ; ⵜⵙⵔⵓⵙⵓ-ⴷ ⴷⴰⵖⵏ ⵜⵉⵊⵖⵍⵉⵏ (ⵜⵉⴼⵍⵡⵉⵏ) ⵏ ⵜⵡⵍⵍⵉⵢⵉⵏ ⴷ ⵢⵉⵎⵉⵏⵉⴳⵏ ⵡⵉⴷⴰⴽ ⵢⵍⵍⴰⵏ ⴷⴳ ⵍⵖⵔⴱⴰ ⴰⴽⴽⴷ ⵡⵉⴷ ⵢⵎⵎⵓⵜⵏ, ⴰⵎ ⵡⴰⴽⴽⵏ ⵜⵎⵍⴰⵍ-ⴷ ⵜⴰⵙⴰ ⴷ ⵡⴰⵢ ⵜⵓⵔⵡ, ⴰⴽⴽⵏ ⴰⴷ ⵎⴰⴳⵔⵏ ⴰⵙⴳⴳⴰⵙ ⴰⵎⴰⵢⵏⵓ ⵖⴼ ⵜⵉⴽⴽⵍⵜ.
ⴰⵔⵔⴰⵛ ⵉⵎⵥⵢⴰⵏⴻⵏ,ⵜⵜⵙⵟⵟⵉⵍⵏ-ⴰⵙⵏ ⵉ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ . ⴷⴳ ⵜⴰⵎⴰ ⵏ ⵓⵎⴰⵍⵓ ⵏ ⵜⵎⵓⵔⵜ ⴰⵎ ⵜⵎⴷⵉⵏⵜ ⵏ ⵡⵀⵔⴰⵏ ⴰⵙⵙ-ⵏⵏⵉ ⵜⴻⵜⵜⵏ ⴰⵍⴰ ⵜⵉⵥⵉⴷⴰⵏⵉⵏ. ⴷⴳ ⵜⵍⵎⵙⴰⵏ ⵜⴻⵜⵜⵉⵍⵉ-ⴷ ⵢⵉⵡⵜ ⵏ ⵜⴼⴰⵙⴽⴰ ⵉⵡⵓⵎⵉ ⵙⵎⵎⴰⵏ: (ⴰⵢⵔⴰⴷ); ⴷ ⵢⵉⵡⵜ ⵏ ⵜⵛⵇⵇⵓⴼⵜ ⵏ ⵓⵎⵣⴳⵓⵏ ⵉ ⴷ-ⵜⵜⵓⵔⴰⵔⵏ ⵢⵉⵎⵣⴷⴰⵖ ⵏ ⵜⴰⴷⴷⴰⵔⵜ ⵜⵜⵖⵓⵎⵎⵓⵏ-ⴷ ⵓⴷⵎⴰⵡⵏ-ⵏⵙⵏ ⵢⵛⴱⴰⵏ ⵉⵇⵓⴷⴰⵎ ⵏ ⵢⵉⵣⵎ. ⵢⵉⵡⵏ ⵏ ⵢⵉⵣⵎ ⴷ ⴰⵡⵙⵙⵓⵔ ⴰⴷ ⵢⵎⵎⵜ ⴰⴷ ⵢǧǧ ⴰⵎⴽⴰⵏ ⵉ ⵢⵉⵡⵏ ⵏ ⵢⵉⵣⵎ ⴷ ⴰⵎⵛⵟⵓⵃ ⴰⵔⴰ ⴷ-ⵉⵍⴰⵍⵏ ⵉⵎⵉⵔⵏ . ⵉⵎⵣⴷⴰⵖ ⵜⵣⵣⵉⵏ ⵉ ⵜⴰⴷⴷⴰⵔⵜ, ⴰⴷ ⵛⵏⵏⵓⵏ , ⴰⴷ ⴷ ⵊⵎⵄⵏ ⵉⵙⵓⴼⴰⵔ ⵏ ⵡⵓⵞⵞⵉ, ⵜⴰⵎⴷⴷⵉⵜ, ⵜⵉⵍⴰⵡⵉⵏ ⵜⵜⵏⴰⵡⴰⵍⵏⵜ-ⴷ ⵢⵉⵙ-ⵙⵏ ⵉⵎⵏⵙⵉ ⵉ ⵢⵙⴷⵓⴽⴽⵓⵍⵏ ⴰⴽⴽ ⴰⵜ ⵏ ⵜⴰⴷⴷⴰⵔⵜ .
ⴷⴳ ⵜⵎⵓⵔⵜ ⵏ ⵍⵎⵔⵔⵓⴽ ⵇⵇⴰⵔⵏ-ⴰⵙ ⵉ ⵓⵎⵏⵣⵓ ⵏ ⵢⵏⵏⴰⵢⵔ: ⵜⴰⵎⵖⴰⵔⵜ, ⵎⵉ ⴰⵔⴰ ⴷ-ⵉⵔⵙ ⵢⵉⵎⵏⵙⵉ ⵏ ⵢⵏⵏⴰⵢⵔ ⵢⵙⴹⵓⵍⵉ ⵖⴼ ⵢⴰⵍ ⵢⵉⵡⵏ ⵏ ⵜⴰⵡⴰⵛⵓⵍⵜ ⵏ ⵓⵅⵅⴰⵎ ⴰⴷ ⵢⵞⵞ ⴰⵙⵙ-ⵏⵏⵉ ⵏⵏⵉⴳ ⵏ ⵜⴰⵡⴰⵏⵜ ⴰⵛⴽⵓ ,ⴰⴽⴽⴰ ⵉ ⵙⴼⵉⵍⵍⵉⵜⵏ ⵉ ⵍⵅⵉⵔ ⴰⴷ ⵢⴰⴳⴰⵔ ⴽⵔⴰ ⴰⵔⴰ ⵢⴽⴽ ⵓⵙⴳⴳⴰⵙ ⴰⵎⴰⵢⵏⵓⵜ.
ⴰⵔⵔⴰⵛ ⵎⴰ ⵢⵍⵍⴰ ⵓⴳⵉⵏ ⴰⴷ ⵞⵞⵏ ⴰⴷ ⵔⵡⵓⵏ, ⵙⴰⴳⴳⴰⴷⵏ-ⵜⵏ ⵢⵉⵎⴰⵡⵍⴰⵏ-ⵏⵙⵏ ⵙ ⵜⵎⵖⴰⵔⵜ ⴰⵔⴰ ⴷ-ⵢⴰⵙⵏ, ⴷ ⵏⵓⵜⵏⵉ ⴰⵔⴰ ⵜⵞⵞ .
ⴰⴽⴽⴰ ⵉ ⴷ-ⵜⴻⵜⵜⵉⵍⵍⵉ ⵜⵎⵖⵔⴰ ⵏ ⵢⵏⵏⴰⵢⵔ ⴷⴳ ⵜⵎⵏⴰⴹⵉⵏ ⵢⵎⴳⴰⵔⴰⴷⵏ ⵏ ⵜⵎⴰⵣⵖⴰ. ⵉⵍⴰⵇ ⴰⴷ ⵏⵙⵃⴱⵉⴱⵔ ⴼⵍⵍ-ⴰⵙ ⵉⵡⴰⴽⴽⵏ ⴰⴷ ⵜ-ⵉⴷ-ⴰⴼⵏⵜ ⵜⵙⵓⵜⵉⵡⵉⵏ ⵉ ⴷ-ⵢⵜⵜⵏⴽⴰⵔⵏ. ⴷⴰⵏⴰⴳⵉ ⵖⴼ ⵓⵎⵣⵔⵓⵢ ⴷ ⵜⵜⵉⵍⵉⵏⵜ ⵏⵏⵖ