Wp/zgh/ⴼⴰⵟⵉⵎⴰ ⵜⴰⴱⴰⵄⵎⵕⴰⵏⵜ
ⴼⴰⵟⵉⵎⴰ ⵜⴰⴱⴰⵄⵎⵔⴰⵏⵜ ⵏⵖ ⴼⴰⵟⵉⵎⴰ ⵛⴰⵀⵀⵓ ⵜⴳⴰ ⵜⴰⵏⴰⵥⵓⵕⵜ, ⵜⴰⵏⴹⴹⴰⵎⵜ ⴷ ⵜⵎⵖⵏⴰⵙⵜ ⵜⴰⵎⴰⵣⵉⵖⵜ, ⵜⵍⵓⵍ ⴳ ⵓⵙⵯⴳⴳⴰⵙ 1962 ⴷⴳ ⵉⴼⵔⴰⵏ ⵎⵥⵥⵉⵏ, ⵜⵜⵢⵓⵙⵙⵏ ⵙ ⵜⵎⴰⵎⴽⵜ ⵏⵏⵙ ⵜⴰⵏⵉⵍⴰⵡⵜ ⴳ ⵓⵎⵣⴰⵖ ⴼ ⵡⵓⵎⵓⵏ ⴷ ⵜⴷⵍⵙⴰ ⵏ ⵓⴼⴳⴰⵏ ⴰⵎⴰⵣⵉⵖ. ⵜⴳⴰ ⵢⴰⵜ ⵣ ⵉⵜⵔⴰⵏ ⵏ ⵓⵥⴰⵡⴰⵏ ⴰⵎⴰⵣⵉⵖ ⴳ ⵍⵎⵖⵔⵉⴱ.
ⵜⴰⵎⵥⵉ ⵏⵙ
ⵉⵙⵎ ⵏⵏⵙ ⴰⵏⵚⵍⵉ ⴼⴰⵟⵉⵎⴰ ⵛⴰⵀⵀⵓ ⵉⵙⵙⴼⵍⵙ ⵏⵏⵙ ⴼⴰⵟⵉⵎⴰ ⵜⴰⴱⴰⵄⵎⵕⴰⵏⵜ, ⵜⵍⵓⵍ ⴳ ⵓⵙⵯⴳⴳⴰⵙ 1962 ⴳ ⵜⴰⵙⴳⴰ ⵏ ⵍⴰⵅⵚⴰⵚ, ⵜⵏⴽⵔⴷ ⴳ ⵉⴼⵔⴰⵏ (ⴰⵟⵍⴰⵙ ⴰⵎⵥⵢⴰⵏ) , ⴳ ⵓⵙⵓⵏ ⵏ ⵉⴷ ⵙⴰⵍⵎ ⵉⵡⴰⵍⴰⵏ ⵉ ⵜⵇⵇⴱⵉⵍⵜ ⵏ ⵓⵛⴽⵕⴰ. ⵜⴳⴰ ⵜⵉⴳⵍⵍⵉⵏⵜ ⵍⵍⵉⵖ ⵜⵎⵎⵓⵜ ⵉⵎⵎⴰ ⵏⵏⵙ ⵃⵕⴰ ⵜⵟⵟⴰⴼ 3 ⵉⵙⵓⴳⴳⵯⴰⵙⵏ, ⵖⴰⵏ ⴰⴼ ⵓⵔ ⵜⴽⵛⵎ ⵙ ⵜⵉⵏⵎⵍ ⵍⵉⵖ ⵜⵣⴷⴰⵖ ⴷⴰⵔ ⵅⴰⵍⵜⵉⵙ ⵎⵎⵍⵄⵉⴷ. ⴷⴼⴼⵉⵔ ⵓⵙⵙⵓⴼⵖ ⵏ ⵜⴰⵙⴼⵉⴼⵜ ⵏⵏⵙ ⵜⴰⵎⵣⵡⴰⵔⵓⵜ, ⵜⵍⵎⴷ ⵙ ⵉⵅⴼ ⵏⵙ ⵜⵉⵖⵔⵉ ⴷ ⵜⵉⵔⵔⴰ. ⵜⵙⴽⵔ ⴰⵙⵙⴰⵖⵏ ⴷ ⵉⵎⴰⴷⵍⴰⵙⵏ ⵉⵎⴰⵣⵉⵖⵏ
ⵜⴰⴱⴰⵄⵎⵕⴰⵏⵜ ⴷ ⵓⵎⴰⵔⴳ
ⵜⵙⵙⵏⵜⵉ ⴼⴰⵟⵉⵎⴰ ⵜⴰⴱⴰⵄⵎⵕⴰⵏⵜ ⴰⵎⴰⵔⴳ ⴳ 1983 ⵏⵜⵜⴰⵜ ⴷ ⵓⵏⴰⵥⵓⵕ ⵕⵕⴰⵢⵚ ⵊⴰⵎⵄ ⵍⵃⵎⵉⴷⵉ, ⵉⵍⵎⴰ ⵙ ⵜⵔⴰⴱⴱⵓⵜ ⵏ ⴰⵛⵜⵓⴽ, ⵜⵙⵙⵏⵜⵉ ⴰⵙⵓⵙⵔ ⵏ ⵜⵏⴹⴹⴰⵎⵜ (ⵜⴰⵎⴷⵢⴰⵣⵜ) ⴳ ⵓⵙⴳⴳⵯⴰⵙ 1984 ⴷ ⵎⵓⵍⴰⵢ ⵎⵓⵃⵎⵎⴰⴷ ⴱⵍⵍⴼⵇⵉⵀ, ⵍⵍⵉⵖ ⴰⵔ ⵜⵜⴰⵍⵙ ⵉⵣⵍⴰⵏ ⵏ ⵜⴰⵕⵕⴰⵢⵚⵜ ⵜⵉⵃⵉⵃⵉⵜ ⵎⵇⵇⵓⵕⵏ ⴷ ⵕⵇⵇⵉⵢⵢⴰ ⵜⴰⴷⵎⵙⵉⵔⵜ. ⴳ ⵓⵙⴳⴳⵯⴰⵙ ⵏ 1988 ⵜⵎⵎⵓⵜⵜⵉ ⵙ ⵜⵉⵏⵎⵍ ⵏ ⵍⵃⴰⵊⵊ ⵎⵓⵃⵎⵎⴰⴷ ⴰⴷⵎⵙⵉⵔ, ⴷⴳ 1990 ⵜⵙⴽⵔ ⴼⴰⵟⵉⵎⴰ ⵜⴰⴱⴰⵄⵎⵕⴰⵏⵜ ⵜⴰⵔⴰⴱⴱⵓⵜ ⵏⵏⵙ, ⵓⵔ ⵜⵎⵓⵟⵍ ⴰⴼⴰⴷ ⴰⴷ ⵜⴰⴼ ⴰⴹⵖⴰⵕ ⵏⵏⵙ ⴳ ⵓⴱⴰⵔⴰⵣ ⵏ ⵜⵥⵓⵕⵉ, ⵜⵉⵙⵙⴼⵉⴼⵏ ⵏⵏⵙ ⵏⵣⴰⵜ ⴱⴰⵀⵔⴰ ⴰⵛⴽⵓ ⵜⵥⴹⴰⵕ ⴰⴷ ⵜⵙⴽⵔ ⵜⴰⵎⴰⵎⴰⴽⵜ ⵉⴱⵓⵔⵣⵏ ⵙⵉⵙ ⵉⵥⵍⵉⵏ ⴳ ⵓⵙⴰⵔⴰⴳ ⵏ ⵜⵥⵓⵕⵉ, ⵙ ⵜⵉⴳⵓⵔⵉⵡⵉⵏ ⵏ ⵉⵣⵍⴰⵏ ⵏⵏⵙ ⴷ ⵓⵥⴰⵡⴰⵏ ⵏⵏⵙ ⴰⵎⴰⵔⴳ ⵉⵏⵓ ⵖⵉⴽⵍⵍⵉ ⴰⵔ ⴰⵙ ⵜⵜⵉⵏⵉ ⵜⴰⴱⴰⵄⵎⵕⴰⵏⵜ, ⵜⵜⵢⵓⵙⵙⴰⵏ ⵓⵍⴰ ⵙ ⵉⵎⵙⵍⵉ ⵏⵏⵙ ⴰⴷⵓⵏⴰⵏ. ⵜⵣⵎⵔ ⵓⴹⴼⵉⵕ ⵏ ⵎⴰⵢⴰⴷ ⵎⵏⵛⴽ ⵏ ⵜⵡⵉⵣⵉⵏ ⵏ ⵜⵥⵓⵕⵉ, ⴽⵔⴰ ⴳⵉⵙⵏ ⵣⵔⵉⵏ ⵓⵙⵔⵉⴷ ⴳ ⵜⵏⵣⵡⴰⵢⵜ ⴷ ⵜⵜⵉⵍⵉⴼⵉⵣⵢⵓⵏ ⵜⴰⵏⴰⵎⵓⵔⵜ. ⴷ ⵓⵍⴰ ⵜⵉⵡⵉⵣⵉ ⵏ ⵜⵎⵙⵎⵓⵏⵉⵏ ⴰⵎ ⵜⴰⵙⴷⴰⵡⵜ ⵏ ⵓⵏⴱⴷⵓ ⴷ ⵓⴳⵔⴰⵡ ⵕⴰⵊⴰ ⴰⴳⴰⴷⵉⵔ, ⵜⵣⵣⵔⵉ ⵜⵓⴳⵜ ⵏ ⵉⵏⵎⵓⴳⴳⴰⵔⵏ ⴳ ⵜⵓⴳⵜ ⵏ ⵜⵎⵏⴰⴹⵉⵏ ⴳ ⵓⵎⵕⵕⵓⴽ ⵓⵍⴰ ⴱⵕⵕⴰ ⵏⵏⵙ ⴰⵎ: ⵎⵉⵍⴰⵏ , ⴱⴰⵔⵉⵣ, ⵓⵜⵕⵉⵅⵜ, ⴱⵔⵓⴽⵙⵉⵍ ⴷ ⵜⵉⵢⵢⴰⵟ.
ⵜⵉⵙⵙⴼⵉⴼⵉⵏ ⵏⵏⵙ
ⴰⵍⴱⵓⵎ | ⵜⴰⵖⵍⴰⵖⴰⵍⵜ (2007) |
---|---|
ⵜⴰⵍⴳⴰⵎⵜ ⵏ ⵜⵣⵍⴰⵜⵉⵏ | ⴰⵣⵡⵍ ⵏⵜⵣⵍⵉⵜ |
1 | "(ⴰⵥⴰⵡⴰⵏ)" |
2 | "ⵙⵙⵍⴰⵎ" |
3 | "ⵜⵉⵔⵔⴰ ⵏ ⵉⵍⵙ" |
4 | "ⴰⵊⴷⴷⵉⴳ ⵏ ⵍⵡⵕⴹ" |
5 | "ⴰ ⴱⵓ ⵏⵏⵉⵢⵢⵜ" |
6 | "ⴰⵢⵜ ⵍⵄⴰⵇⵇⵍ" |
7 | "ⴰⵥⴰⵡⴰⵏ ⵢⴳⴳⵔⴰⵏ" |
ⴰⵍⴱⵓⵎ | "ⴰ ⵟⵟⴰⵍⴱ ⵉⵜⵜⴰⵔⴰⵏ" (2010), ⴳⵓⵍⴼ ⴰⵥⴰⵡⴰⵏ (ⵜⵉⴳⵎⵎⵉ ⵜⵓⵎⵍⵉⵍⵜ) |
---|---|
ⵜⴰⵍⴳⴰⵎⵜ | ⴰⵣⵡⵍ |
1 | "ⵜⴰⵢⵔⵉ ⵏⵏⵓⵏ ⴰ ⵢⴰⵎⴰⵔⴳ" |
2 | "ⴰ ⵜⴰⴷⴷⵡⴰⵜ ⴰⵎⵉⵏ" |
3 | "ⵉⴽⵓⵏ ⴰ ⵢⴰⴹⵕⴹⵓⵕ ⴼⴰⵖ ⵃⵔⵔⴽⵏ ⴰⴽⴰⵍⵏ" |
4 | "ⵍⵀⵎⵎ ⵓ ⵍⵀⵎⵎ" |
ⴰⵍⴱⵓⵎ | "ⵡⴰⵔⴷ ⵉⵃⴰⴷⴰⵏ ⴰⵎⴰⵏ" (ⵢⵓⵍⵢⵓ 2009), ⴰⴼⵔⴰⵡ ⵜⴰⵙⵙⴼⵉⴼⵜ ⵜⴰⵙⵙⴼⵓⵖⵜ (ⴰⴳⴰⴷⵉⵔ), (ⴰⴼⵔⴰⵡ) |
---|---|
ⵜⴰⵍⴳⴰⵎⵜ | ⴰⵣⵡⵍ |
1 | "ⵓⵔ ⵉⴳⵉ ⵕⵕⵡⴰ ⴰⵥⵍⵎⴰⴹ" |
2 | "ⵉⵣⴰⵎ ⴰⴽⵔⴽⴰⴷ" |
3 | "ⵢⴰⵏ ⵉⵔⴰⵏ ⵊⵊⵏⴱ ⵍⵍⵉⵎⴰⵎ" |
4 | "ⴰⵙⵇⵇⵙⵉ ⴷ ⵍⵊⴰⵡⴰⴱ" |
5 | "ⴼⵕⵃ ⵏⵉⵜ ⵜⴰⵣⵄⴰⵎⵜ" |
6 | "ⵡⴰⵔⴷ ⵉⵃⴰⴷⴰⵏ ⴰⵎⴰⵏ" |
ⴰⵍⴱⵓⵎ | "ⴰⵣⵓⵍ ⵏ ⵃⵏⵏⴰ" (ⵏⵓⵡⴰⵏⴱⵔ 2008), ⴰⴼⵔⴰⵡ ⵜⴰⵙⴼⵉⴼⵜ ⵜⴰⵙⵙⴼⵓⵖⵜ (ⴰⴳⴰⴷⵉⵔ), (ⴰⴼⵔⴰⵡ) |
---|---|
ⵜⴰⵍⴳⴰⵎⵜ | ⴰⵣⵡⵍ |
1 | "ⴰ ⵎⵓⵏⴷ ⴷⵉⵖ ⴰⵢⴰⵎⴰⵔⴳ" |
2 | "ⵏⵏⴰⵏ ⵉⵜⵔⴰⵏ" |
3 | "ⵎⴰⵏⵉ ⵜⵍⴽⵎ ⵜⵡⴰⴷⴰ" |
4 | "ⴰⵣⵓⵍ ⵏ ⵃⵏⵏⴰ" |
ⴰⵍⴱⵓⵎ | "ⴱⴰⴱⴰ ⵢⵓⴱⴰ" (ⵢⵓⵍⵢⵓ 2007), ⴰⴼⵔⴰⵡ ⵜⴰⵙⴼⵉⴼⵜ ⵜⴰⵙⵙⴼⵓⵖⵜ (ⴰⴳⴰⴷⵉⵔ), (ⴰⴼⵔⴰⵡ) |
---|---|
ⵜⴰⵍⴳⴰⵎⵜ | ⴰⵣⵡⵍ |
1 | "ⵓⵔⵔⵉⴷ ⴰ ⵏⵎⵓⵏ ⴰ ⵜⴰⵡⵏⵣⴰ" |
2 | "ⴱⴰⴱⴰ ⵢⵓⴱⴰ" |
3 | "ⴰⴳⴰⵖ ⵓⵔ ⵜⵎⴰⵍⴰⵜ" |
4 | "ⴰ ⵢⴰⵏ ⵉⵃⴰⴷⴰⵏ" |
ⴰⵍⴱⵓⵎ | "ⵉⵣⴷ ⴰⴽⴰⵍ ⵏ ⵜⵎⴰⵣⵉⵖⵜ" (ⵢⵏⵏⴰⵢⵔ 2007), ⴰⴼⵔⴰⵡ ⵜⴰⵙⴼⵉⴼⵜ ⵜⴰⵙⵙⴼⵓⵖⵜ (ⴰⴳⴰⴷⵉⵔ), (ⴰⴼⵔⴰⵡ) |
---|---|
ⵜⴰⵍⴳⴰⵎⵜ | ⴰⵣⵡⵍ |
1 | "ⵉⵣⴷ ⴰⴽⴰⵍ ⵏ ⵜⵎⴰⵣⵉⵖⵜ" |
2 | "ⴰⴼⵔⴰⴽ" |
3 | "ⴰⵖⵣⵉⴼ ⴰⴷ ⴰ ⵢⴳⴰⵏ" |
4 | "ⴱⴷⵉⵖ ⴰⵡⴰⵍ ⵏⵏⴽ ⵙ ⵍⵅⵉⵔ" |
ⴰⵍⴱⵓⵎ | "ⵜⵓⴼ ⴷⴰⵔ ⵏⵏⵖ ⵉⵎⵉ ⵍⵡⴰⵔⴷ" (2006), ⴰⴼⵔⴰⵡ ⵜⴰⵙⴼⵉⴼⵜ ⵜⴰⵙⵙⴼⵓⵖⵜ (ⴰⴳⴰⴷⵉⵔ), (ⴰⴼⵔⴰⵡ) |
---|---|
ⵜⴰⵍⴳⴰⵎⵜ | ⴰⵣⵡⵍ |
1 | "ⵓⵔ ⴰⴽ ⴰⵡⴷⴷⵉ ⵏⵏⵉⵖ ⵢⴰⵜ" |
2 | "ⵜⵓⴼ ⴷⴰⵔⵏⵖ ⵉⵎⵎⵉ ⵍⵡⵕⴹ" |
3 | "ⴰⵔⴰ ⴰⵎⴰⵔⴳ ⴰⵔ ⵜⵜⵉⵔⵉⵔⵜ" |
4 | "ⴼⵉⵖ ⴰⴷ ⴰⵔ ⵉⵜⴱⵔⵉⴷⴰ" |
ⵜⴰⴱⴰⵄⵎⵕⴰⵏⵜ ⴷ ⵜⵎⴰⴳⵉⵜ ⵜⴰⵎⴰⵣⵉⵖⵜ
ⵜⵙⵏⴼⵍ ⴼⴰⵟⵉⵎⴰ ⵜⴰⵎⴰⵎⴽⵜ ⵙⵉⵙ ⵉⵥⵍⵉⵏ, ⴳ ⵓⵥⴰⵡⴰⵏ ⵏⵙ ⴰⵔ ⵜⵙⴰⵡⵡⴰⵍ ⴱⴷⴷⴰ ⴼ ⵉⴳⵔⴰⵏ ⵉⵣⴷⵉⵏ ⵙ ⵓⴼⴳⴰⵏ ⴰⵎⴰⵣⵉⵖ, ⴰⵔ ⵜⵙⴰⵡⵡⴰⵍ ⵓⵍⴰ ⴼ ⵓⴳⵓⵊⵍ ⵍⵍⵉⵖ ⵜⴳⴰ ⵜⵉⴳⵉⴳⵉⵍⵜ ⵙⴳ ⵉⵎⵎⴰ ⵏⵏⵙ, ⴰⵔ ⵜⵙⴰⵡⵡⴰⵍ ⵓⵍⴰ ⴼ ⵉⴳⵔⴰⵏ ⵢⴰⴹⵏⵉ ⵣⵓⵏ ⵜⴰⵎⴰⴳⵉⵜ ⵜⴰⵎⴰⵣⵉⵖⵜ, ⴰⴳⴰⵎⴰ ⵏ ⵜⴰⵎⴰⵣⵉⵔⵜ ⴷ ⵓⴼⵓⵍⴽⵉ ⵏⵏⵙ ⵍⵍⵉ ⵏⵣⵎⵔ ⴰ ⵙⵉⵙ ⵏⵙⵢⴰⴼⴰ ⴳ ⵉⵣⵍⴰⵏ ⵏ ⵜⴰⴱⴰⵄⵎⵔⴰⵏⵜ. ⵎⴰⵢⴰⴷ ⵉⴼⴽⴰⵢⴰⵙ ⵜⵓⵙⵙⵓⵙⵏⵜ ⴱⴰⵀⵔⴰ ⴷⴰⵔ ⵉⵙⵙⵓⵙⵎⴰⵏⴻⵏ ⴳ ⵓⵎⵕⵕⵓⴽ ⵓⵍⴰ ⴱⵕⵕⴰ ⵏⵏⵙ.
ⴰⴽⵛⵛⵓⵎ ⵏ ⵜⴱⴰⵄⵎⵕⴰⵏⵜ ⵙ ⵉⴳⵔ ⵏ ⵜⵙⵔⵜⵉⵜ
ⵜⴽⵛⵎ ⵜⵏⴰⵥⵓⵕⵜ ⵜⴰⴱⴰⵄⵎⵕⴰⵏⵜ ⵙ ⵉⵙⵜⴰⵢⵏ ⵏ ⵓⴱⴰⵕⵍⴰⵎⴰⵏ ⵏ 25 ⵢⵓⵏⵢⵓ 2011, ⵉⴳ ⴰⵎⵣⵣⵓ ⴰⵎⵥⵍⴰⵢ ⴷⴰⵔ ⵉⵎⴹⴼⴰⵕ ⵏⵏⵙ ⴷ ⵉⵙⵙⵓⵙⵎⴰⵏⵏ, ⵍⵉⵖ ⴰⴽⴽⵯ ⵜⵍⵍⴰ ⵜⴰⴱⴰⵄⵎⵕⴰⵏⵜ ⴳ ⵜⵍⴳⴰⵎⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⴳ ⵓⴽⴰⴱⴰⵔ ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ. ⵜⵖⵍⵉ ⵖ ⵓⴱⵕⵍⴰⵎⴰⵏ ⵙ ⵉⵙⵎ ⵏ ⵉⵏⵙⵉⵎⴰⵏⵏ, ⴰⵏⵖⵎⵉⵙ ⵍⵍⵉ ⵓⵔ ⵉⵙⵙⵓⵙⵉⵎⵏ ⵉⵖⵔⵉⵎⵏ ⵏ ⵜⵎⵎⵓⵣⵖⴰ, ⴰⵎⵓⵙⵙⵓ ⴰⴷⵍⵙⴰⵏ ⴰⵎⴰⵣⵉⵖ ⴷ ⵓⵎⵓⵙⵙⵓ ⴰⴷⵍⵙⴰⵏ ⵍⵍⵉ ⵢⵥⵕⴰⵏ ⵉⵙ ⴰⴽⴰⴱⴰⵕ ⴰⴷ ⵓⵔ ⴷ ⵉⴽⴽⵉ ⵜⴰⵙⴳⴰ ⵏ ⵜⵎⴰⵣⵉⵖⵜ ⴳ ⵡⴰⵟⵟⴰⵚ ⵏ ⵉⴳⵔⴰⵏ.
ⴼⴰⵟⵉⵎⴰ ⴷⴳ ⵓⴱⵕⵍⴰⵎⴰⵏ
ⵉⵙⴰⵖⵓⵍⵏ