Chó kwan ndlì Ngwe’z[1] (dís stíl= Lo que hace un adivino)
Le’ rê Ngwe’z nak rê xa’ ntoyak men tè o men yínt, xá nak doktor nak xa’, na’r jwa’n ndlí xa’, le’ xa’ ngwi’ lô nzòb tís kwan ndyak men, lô yá ngwi’ xa’ ne’n kwan nak yîz ndyak men, ne’n plád mbro’ jwa’n ndyak men, ne’n chó kwan ndokê xis men, ne’n chò tak jwa’n nkelo men lì men o nagkatay, tyá ndlo’y, lô nzóbá ndlo’y.
Rê ngwe’zà ngwi’ xa’ lô nzòb zá ngo’xkan xa’ ne’n kwan ngwi’ mka’l tís ndo mka’l lô men, o tís mbez má’ bet o ndo jwa’n bet lô men o ndo jwa’n bet rò liz men, rê jwa’ná ngo’xkan Ngwe’z zá ngwi’ xa’ lô nzòb. Le’ xa’ nto’w lô rê yayìx ndyak men, lô rê yaltî ndyak men. Le’ xa’ ngix mes yaxkè chá’n men tís chó kwan nda’b men lô Mzya’n o lô Ndòb do’, tís mdí’s yèd men chá’n xa’, tyá ngixkè Ngwe’z rê chá’n men, rê jwa’n ndyak men zá lì Dios perdón jwa’n ndyak men.
Rê Ngwe’z, rê xa’ bà ndyen Men Mbîz o Men mbéy zá ngwi’ xa’ ne’n kwan ndyak men, tís ndyak men tib yayìx toz ndyen xa’ men Dios zá tyá ndlo’ ne’n kwan ndyak men, ne’n kwan ndokê xis men, ne’n plád mbro’ yîz ndyak men, tyá ndlo’y, men Diosá ndlo’y.