Le panuchoo' jump'éel jaanal tipico ti' u Peninsulai Yucatán. Le panuchoo' ku meta'al yéetel jump'éel waaj de xi'im tak xane' ku beta'al ti' jump'éel chan jool tu jáalil le waajo' ti'al u pajtal u bu'ut'ul ti' le tsajbij bu'ulilo'. Chéen ts'o'okoke' ku tsa'ajal ich aceite wa mantecai k'éek'en, k'a'abet u p'áatal susulkil wa oop', je'el bix ki' ta chie'.
Ba'ax ku bisik:
edit
- Waajil panucho
- Tsajbi bu'ul
- Aceite wa mantecai k'éek'en
- Bak' (kaax, empanizado, asado, poc chuc, cochinita pibil, etc.)
- Lechuga
- Cebolla morada
- P'aak
- Oon
- Salsai p'aik
- Salsai iik
Bix u meta'al:
editYáaxile' ti' u waajil le panuchoo' ku bu'ut'ul ti' le tsajbi bu'ulo', ts'o'okole' ku tsa'ajal ich jump'íit aceite wa manteca k'a'abet u p'áatal susulkij wa oop', chéen ts'o'okoke' ku pa'atal u síistal k'a'abet u tsela'al yéetel jump'éel serviyeta u aceite wa u mantecai yaan yóok'ol. Chéen ts'o'okok le je'ela' je'el u pajtal a ts'aik yook'ol a panucho ba'ax mas ki' ta' chie'. Ba'ale' ba'axo'ob suuk u bisik jump'éel panuchoe' leti' yáax jump'éel u chan xéet lechuga, ts'o'okole' leti' le bak'o'; je'el u pajtal a ts'aik ya'ab tie' wa chéen u píit, ku ts'áabal cebollai' (le je'ela' ts'ambi cebolla; ku xo'ot'ol le cebolla chowaktako', ts'okole' ku ts'a'amal yéetel limon wa naranja ku ch'óoch'kinsa'al yéetel ta'ab), ts'o'oke' ku ts'áabal u xéetel p'aaki', u xéetel ooni', u salsai tsajbij p'aaki' yéetel wa ki' ta' chie' ka ts'áajik u salsai iiki'.