Junp'èel ki'iki' janal suuk u beeta'al ti' u k'ìinbesajil janal pixaan yèetel je'e ba'alak k'iine', ku pàajtal u beeta'al uti'al jantbil. Le janala' ka'ansaj to'on tumen k ch'i'ibal ma'atech u tu'ubsaj jach k'ajòolta'an tumen tu noj lu'umil Campeche, Quintana Roo yèetel Yucatàn.
Pìibil waaj: beeta'an yèetel sakàam chèen ba'ale' ya'ach'ta'an yèetel junp'ìit ta'ab beey xan màanteca (u tsaatsel k'èek'en), u ki'ile' ku ts'a'abal u bak'el kaax yèetel u xoxot' bak'el k'èek'en ku bisik xan junp'ìit k'utbil ik ts'ama'an yèetel u k'aab k'uxub (kiwi') yèetel u xa'ak'ilo'ob janal yaan màaxe' ku beetik u chan k'òol.
Pìibil xpèelon: ku ya'ach'tal yèetel u nek' bu'ul wa ib ichil le sakamo' beey xan ku bisik sakamo' ku to'obol yèetel u le' ja'as ku k'a'axal tiknil u paach ja'as wa u le' kij (tsi'iktan).ku tak'aankunta'al yàanal lu'um tumen chokoj si'intun chèen ba'ale' ku mu'ukul,