Wp/yua/Ivonne Ortega

Ivonne Aracelly Ortega Pacheco (síij tu kaajil Dzemul, Yucatán, tu k’íinil 26 ti’ u winalil noviembre u ja’abil ti’ 1972), letie’ juntúul polítika mexicana, takpaja’an ich u Partido Revolucionario Institucional, ts’o’ok u meentik u Presidenta Municipalil, Diputada Local, Diputada Federal yéetel Senadora ti’ Yucatán. Yéeya’ab utia’al u meentik u jala’achil (Gobernadora) ti’ Yucatán tu ja’abilo’ob 2007 tak 2012. U x soob áanimaas Político yéetel Gobernador ti’ Yucatán Víctor Cervera Pacheco.

Ivonne Ortega Pacheco

Síijil	tu k’íinil 26 ti’ u winalil noviembre u ja’abil ti’ 1972 (49 ja’abilo'ob)

Ivonne Aracelly Ortega Pacheco ts’o’ok u jo’olintik ya’abkach meyajo’ob tu k’aaba’ PRI Yucatán, ichil le je’elo’oba’ ti’ yaan bey u jo’olil Frente Juvenil Revolucionario yéetel u meentik u Jo’olpoopil utia’al u múuch’bal ko’olelo’ob.

Carrera Política

Tu ja’abil 1998e’ yéeya’ab uti’al u beet u presidenta municipalil tu kaajil Dzemul, Yucatán, kaaj tu’ux sijnáal, 2001e’ Diputada ti’ u Congresoil Yucatán, 2003e’ Diputada Federal ti’ u ka’ap’éel Distritoil Electoral Federal ti’ Yucatán yo’olal LIX Legislaturail yéetel xan 2006e’ Senadorail ti’ yáax minoriyail ti’ u lu’umil Yucatán. Te’ Senadoo’ tu meyajtaj u ts’íibilo’ob yo’olal Mesaa Directiva, chéen ba’ale’ tu meyajtaj chen ich óoxp’éel winalil yéetel xan je’ebix ti’ u jeel meyajo’ob tu meentajo’.

Candidata ti’ Gobernadorail

Tu ts’áa ojeltbil u tuukulil u meentik u cadidatail ti’u partido yo’olal u Gobiernoil Yucatán ti’ le Elecciones yaan u yúuchul tu ja’abil 2007o’ yo’olale’ ka tu k’aataj licenciail utia’al u p’aatik u meyaj ti’ Seadorail, u ts’áaik ojeltbile’ tu meentaj u yaantal jump’éel jak’ óolal, tumen chéen óox uinal jo’op’ok u meyaj ti’ le senadoo’, bey xan tumen táan u ketlampach yéetel precandidatos jach yaab u beelal meyajo’ob ts’o’ok u máansiko’ob.

Ti’ u k’íinil 4 ti’ u winalil diciembree’ ti’ 2006e’, ti’ u Comitejil Ejecutivo Nacional ti’ PRI je’, e’esa’ab u chíikul le k’aat chi’ob méenta’ab tumen Consulta Mitofsky yo’olal le wak’ prekandidatoso’ob priístas ti’ u gobiernoil Yucatán. Carlos Sobrino Sierra, Erick Rubio Barthell, Dulce María Sauri Riancho, Orlando Paredes Lara yéetel Rubén Calderón Cecilio, tu’ux chikpaj leti’e’ maas áanta’ab tumen le yukateko’obo’ ; tu yo’olale’ ts’ab ojeltbil leti’ u candidatail ti’ u muuch’il yéetel u jets’ óolil u jeel le prekandidato’obo’ yéetel tu k’íinil 13 ti’ u winalil eneroe’ ti 2007 u ja’abile’ tu ya’alaj leti’ u kandidatail ti’ PRI yo’olal u Gobiernoil Yucatán. U túumbem najalil yaankunsajo’ tu’ jak’ kunsaj u yóol tumen ku tukulta’ale’ letie’ le ex – gobernadora Dulce María Sauri Riancho maas áanta’ano’.

Tu k’íinil 26 ti’ u uinalil febreroe’ taakpaj u jeel partido’ob ti’ u candidaturail jeelbix Partido Verde Ecologista ti’ México yéetel Partido Alianza por Yucatán, yéetel lela’ kik íliko’one’ leti’ u yáax kandidatail maas yaab áantaj ts’aab ti’ tumen áanta’ab tumen óoxp’éel partido politico beyxan tu méento’ob jump’éel coalición yo’olal u atia’ali’ le 25 diputaciono’ob localo’obo’ yéetel le 106 ayuntamiento’obo’.

Ka’aj k’aal le Programa ti’ Resultados Electorales Preliminares ti’ u k’íinil 21 ti’ u winalil mayo 2007e’ leti’e’ yaan u’ukp’éel puntos maas ka’analil ti’ u ketem pach, u candidatoil ti’ PAN Xavier Abreu Sierra, lela’ tu ch’a’aj u lúubesaj, tu yilaj yéetel tu a’alaj u jajil u najal Ivonne Ortega leti’e’ tu k’aamaj u ki’imak óolal noj jalach Felipe Calderón Hinojosa.

Ti’ u k’íinil 27 ti’ u uinalil mayoe’ tu k’aamaj u konstanciail yo’olal mayoriail le elecciono’ (u ya’abil le yeeyilo’) yéetel u wa’akunajil (jeets’el bey Gobernadora yeeya’ane’).

Tu k’aamaj le gobiernoil le estadoo’(u jalachil ti’ peten) ti’ u yáax k’íinil u uinalil agosto ti’ 2007, leti’e’ suut u x kaan ko’olelil yéeya’ab bey Gobernadorail ti’ jump’éel peten ti’ u historia México; ichilo’obe’ Griselda Álvarez ti’ Colima, Beatriz Paredes Rangel ti’ Tlaxcala yéetel Amalia García ti’ Zacatecas; beyxan, Dulce María Sauri Riancho tu méentaj u Gobernadorail ti’ Yucatán, chéen ba’ale’ tu meyajtaj yo’olal u jéel.