Wp/yrk/Неркаги, Анна Павловна

< Wp‎ | yrkWp > yrk > Неркаги, Анна Павловна

Неркаги, Анна Павловна (15 февраль 1952) - яхананда мюсерта школам сертавы.

Пыда падвыда’’ толабада поӈгана, сямянд мэнена, теневана повесть, роман – луца вадавна тарем’ нюмдевы’’ «Сэр' няда» («Белый ягель»), «Молчащий», «Анико из рода Ного», «Илир. Падвы манзаяхананда харта яхананда, Ямалкана мюсерта’’ нита’’ илм’ манэ’’лабтамби, хойхана илевамдо’ падаби.

2015 похона Нобелевской премиян’ пыда сидта таслаць. «Сэр' няда» книгавнанда кином’ сертаць, тикы манзаяда Франциян’ фествалян тэворӈась.

БиографияEdit

Анна Павловна Неркаги 1951 по’ февраль еркы яляхана Полярной Пэ”хана мюсерта ненэцие’’ мякана соявысь, Сайрей нюбета яхакохона. Ёнар хасуюёнар си’’ив юдимдей похона школахана тохолковамда ёльцесь. Тюмень маркана университет пуд манзарась пядась. Паднава серта сававна миӈась. Ивъер паднась пядась, тарем маля 1970 похона мале член Союза писателей СССР , Н.М. Чукмалдинанювм нюбета литературной премия’ лауреат няби Пэ” федеральной округ.

Лаборавой ӈэсыхына пыда пыда харта яхананда мюсерта школам’ нэсь, часовням’ харта есяха’’нанда ӈамбтась, илесь ӈэсымдо’ «Енава я» тарем нюмдедась. Паднана не ена, тикахана илена’’ ӈацекы’’ сава хибяриӈэ вадюда’’, харто’ тэнздо’, харто’ паӈгудо’, иламдо’ теневаӈгу’’. Анна Неркаги ёнар’’ хасуюёнар’’ самляӈг ю’’ нябимдей похона Полярной Пэ” хой поӈгана соявысь. Ёнар’’ хасуюёнар’’ си’’ив юдимдей похона школа-интернатм’ сававна тохолковахана ёльцедась, Тюменской университетан’ тамна нерня’ тоходанавысь. Ӈарка маркана илесь, янамбовна соя’’ма ямда, хой’ ненэця’’ илм’ юрбась пэйдась. Тоходанась, манзарась, нертей книгамда «Анико из рода Ного» падбись. Тикы книгада харта иланда’ нямна ӈа. Ханяна пирибцяко марад’ иламда хаесь пуня’’ харта мяканда илевась тэвыць. Харта ӈахэт мэ’’мы иламда несэювна торомдамбидась. Харта ӈэсынанда илесь, паднана тарем’ тасладась – тад’ нерня иламда евако ӈацекы’’ нядабась мэтада, маян’ еримы’’ нида’’ нядабась илеӈгу. Пыда манзаяда, илда – сэвхана ниня’ ӈадьда, ныхым’ пирдалембадараха. Хой, пэдара, то’ хэвхана тарця якоця таня. Тикы ян’ пыдадо’ пюрта’’ хибяри’’ ма’’люрцеты’’. Тарця хибяри’’ ӈоб’ ня’ Анна Неркаги ма’’лаби. «Енава Я» мядырмахана евако ӈацекы’’ е’’эмня нэвы школада тенад манзара.