ВИЧ – инфекция – хабця, сёнзянд мю тэвбата, янамбовна хануйӈэ хандан’. ВИЧм’ мэпат нянд хуркари” хабця” палаӈгаӈгу”. Ӈавэд ӈамгэ пиркана тикар СПИДӈэ ханда.
ВИЧ нянд тэвбата, пили” сёнзянд мюня’ хаёда. Пардонм’ сертаба” ученой” варемдо’ мэӈа”. Тедари я’ сяр’ ниня хибяхарт ВИЧхад пардонм’ нись серта.
ВИЧ хабцяӈгад пыхыдамд лэтра харт пиртар.
- Хавод, ӈани ӈаянд пеля хавопяхана пэрпат, ӈаямд падтамббат, етя таславы яхана сертабан. Варцяда уколахана яӈгабидо.
- Неc ненэцяӈг’ пили” ӈопой нириди’ няӈъяха’.
- Тиби” халтамба щетка”, муноця пидаба мэта ӈамгэри”, хадит ӈэбтобэраць” харт е"эйд мэс. Ӈани’ нит ӈамгэри” нёд хан"ла!
Ненэця иланда ӈопой. Ӈадьбята пыхыдада” хабцяӈгад лэтраван’ харвабата”, тюку падвы” лекар” ватовна иледа”! Хаӈгулабнанд иланд ханзер” хэвам’ нир хамедаӈгу. Ил - тикы яб.
ВИЧхана тарем’ хаӈгулаӈга”:
- ВИЧ хабцям’ мэта не” – саӈговоманда ёльцяӈгана. Едя ниня’ мэбта. Ӈаябэй нюмда ӈамяхананда ӈавламбаванда ёльцяӈгана.
- Вэяхана турӈа. ВИЧхана хаӈгурта ненэця” вэям’ - едясяда ненэцянд тэвра пирӈа. Халтавдавэй, харвобта мале мэмы уколахана вэямд ханлабнандо’, ӈани’ нит тибя” щетка”, муноцие” пидабада мэта” станок” мэпат, хаханд, ӈани’ ӈаянд пеля хавопя” си” сертабабнанд, ӈаямд падтамббананд хаӈгула пирӈар.
- ВИЧхана хаӈгурта” нехэна, хасавахана мэб - пала хабця пирӈада.
Ӈани’ хабця" тотрев, ВИЧ ненэцянд ӈаворта икня, ӈаврахана, нёхохона тэва нида пирас.
Тикы хавна ВИЧ тарем’ ни палаӈг:
-тораватаб”;
- бассейнхана, ӈарка икня падерп”;
- ходор”ма, пыядарп”;
- лекар сит манэсарп”;
- ӈока ненэцянд таславы хидя” мэпат;
- я сармик", нув сармик” сякалмэхэна;
- ӈока ненэцие” поӈгана машинхана, метрохана тамна ӈани’ мерета машинахана ӈэдалёрп”.