ばちらぬん（漢字（かんでぃ）：忘らぬん）や、2021年（にん）に、与那国島（どぅなんちま）ぬ生（ま）りぬ東盛（ひかしもり）あいかか゚作（っく）ゎる・出演きたる与那国物言（どぅなんむぬい）ぬ映画（えいが）どぅない居（ぶ）る。
大和（だまとぅ）ぬ一番（いてぃん）西（いり）ぬ端（はてぃ）にある与那国島（どぅなんちま）ぬ言葉（くとぅば）・文化（ぶんか）・暮（く）らし・祭（まちり）んた描（か）てぃどぅ居（ぶ）る。
其（う）ぬ映画（えいが）や、第（だい）43回（かい）ぴあフィルムフェスティバル(PFF)にグランプリぬ褒美（ふび）貰（む）しゃん。
2022年（にん）四月（ちんがち）三十日（さんどぅにてぃ）っか沖縄（うんな）ぬ島（ちま）ぬ桜坂劇場に上映きらりてぃ、五月（ぐんがち）七日（なんか）がらや東京（とうきょー）・K’s cinema、アップリンク吉祥寺、十三日（どぅさにてぃ）がらやアップリンク京都、大阪・第七藝術劇場始（はでぃ）み大和（だまとぅ）に公開きらりるん。
