Spirited Away (千と千尋の神隠し Sen to Chihiro no Kamikakushi) ni dia adalah film fantasi animasi Jepang 2001 yang da tulis deng da disutradarai oleh Hayao Miyazaki, deng yang da kase seanimasi dari Studio Ghibli for Takuma Shoten, Nippon Television Network, Dentsu, Buena Vista Home Entertainment, Tohokushinsha Film, deng Mitsubishi.[1] Depe pengisi suara dari ni film ini adalah: Rumi Hiiragi, Miyu Irino, Mari Natsuki, Takeshi Naoto, Yasuko Sawaguchi, Tsunehiko Kamijo, Takehiko Ono, deng Bunta Sugawara.
Spirited Away pe cerita tentang ni Chihiro Ogino(Hiiragi), dia anak cewek 10 tahun yang pas itu dia da pindah ka lingkungan baru, mar pas le itu dia da ba maso di dunia Kami (cerita rakyat roh Shinto Jepang). Abis itu setelah depe orang tua dapa se ruba jadi babi dari penyihir Yubaba (Natsuki), ni Chihiro pi ba kerja pa ni Yubaba pe tampa pemandian aer panas for mo cari tau bagemana mo se bebas depe diri deng depe orang tua, for mo bale ka dunia manusia.
Depe awal rilis di Jepang pas 20 Juli 2001 dari distributor Toho, ni film dapa pengakuan universal, deng dapa US$395,9 juta do box office seluruh dunia. Ni film dorang sering ja anggap salah satu film paling terbaik abad ke-21 deng salah satu film animasi paling besar yang pernah da beking. Karna itu ni film jadi film paling sukses deng depe penghasilan paling tertinggi dalam sejarah Jepang dengan depe total ¥31,68 miliar ($305 juta). Ini koman memegang rekor selama 19 tahun sampe ni Damon slayer: Kimetsu no Yaiba the movie: Mugen Train kase lewat pas tahun 2020.
Ni film da memenangkan penghargaan Oscar pas tahun 2002 yang depe kategori Film Animasi terbaik deng da jadi anime pertama yang meraih penghargaan dalam kategori tersebut. Ni film le da menang Penghargaan Beruang Emas pas Pesta Film Internasional Berlin 2002 (bersama Bloody Sunday)