Momotarō (桃太郎) ini cerita rakyat Jepang yang depe carita tentang ni anak laki-laki kacil yang depe tenaga pe kuat skali kong depe nama Momotarō dia koman mo pi bunung tu raksasa pai. Dia da dapa Kase nama Momotarō karna dia dapa se lahir dari ni buah persik (Momo), trus tu nama taro kata ja kase pake vor anak laki-laki di Jepang. Kong depe oma da kase pa dia kukis vor dia mo makang di jalan kong tu kukis tu dia kibidango. Pas dia sementara ba jalan tu anjing, monyet, deng burung da ba iko bagabung deng vor jadi de pe panginkut karena ni Momotarō kote da kase kukis pa dorang.
Depe ringkasan
editDulu skali ada ni opa deng oma yang nda ada anak. Pas oma waktu itu da ba cuci baju di kuala, kong kage-kage ni satu biji buah persik pe pai jatung kong anyor aer da bawa. Nda lama oma bawa tu buah persik for dia mo makang deng opa di rumah pa dorang. Pas oma pe potong tu buah persik kage muncul dari tu buah persik anak laki-laki. Tu anak dorang kase nama Momotarō, tu anak oma deng opa jaga sampe rupa sama deng dorang pe anak sandiri. Momotarō akhirnya jadi anak yang basar trus kuat kong dia bilang dia suka mo bunung tu monster-monster pai. Waktu itu le kwa di kampung banya rasaksa pai ja sering datang ka kampung kong dorang cuma ja beking susah tu rakyat di sana. Ni Momotarō pigi mo pi bunung tu raksasa pai cuma deng bekal kukis kibidango. Di jalan dia mo ka pulau raksasa, secara trus-trus dia baku dapa deng anjing, monyet, deng burung pegar yang suka iko deng dia kong jadi depe depe pengikut. Pas so sampe di pulau rasaksa, Momotarō bakalae deng raksasa pai trus dia le dapa bantuan dari anjing, monyet, deng burung pegar. Momotarō menang kong bawa pulang tu raksasa pe harta.