Wp/xmm/Kaweng

< Wp‎ | xmm
Wp > xmm > Kaweng

Kaweng tu sabua ikatan hukum antara dua orang, ada parjanjian antara tu orang-orang. Tempo orang bakaweng, ada biasa orang kase beking pesta, kong dikase nama deng pesta kaweng. Biasanya kaweng tu antara saorang laki-laki deng saorang parampuang (kong dapa pangge suami-bini). Mar ada lei orang kaweng deng dua orang of kebe, ada lei yang kaweng tu laki-laki deng laki-laki of parampuang deng parampuang.

Sapasang cincin kaweng. Orang yang da bakaweng slalu pake cincin pa dorang pe jari manis.

Kiapa orang bakaweng edit

Ada banya alasan kiapa orang ada bakaweng, mar biasanya lantaran ni alasan-alasan:

  • Dorang mo beking sabua famili yang sah dan butul pa muka hukum.
  • Dorang mo punya ana dan bisa kase turung tu dorang pe doi, ruma, of harta pa dorang pe ana-ana sonder masala.
  • Dorang mo kase lia sabrapa basar rasa cinta dorang.
  • Dorang mo bisa dapa manfaat hukum dan finansial deri kaweng, rupa pajak bersama, kaamanan sosial, dan jaminan kesehatan.

Hak & Kawajiban edit

Kaweng tu ada hak dan kewajiban yang musti orang kase jadi, rupa:

  • Hak bakunjung di hospital of panjara.
  • Hak ambe kaputusan atas nama pasangan, tempo dia nyanda bisa baambe kaputusan.
  • Kawajiban atas utang of kawajiban hukum dan agama yang laeng.

Kaweng tu juga musti ada baseks. Ada banya orang bacere lantaran nyanda bisa baseks of lantaran ada hubungan seks bukang deng pasangan.