Ponatshego Honorius Kefaeng Kedikilwe (yo ye e belegwa gka July e thola ga supa gka ngwaga wa 1938) ke lepolotiki la motswana yo ye ele Mokhwisa Tyautyona wa Botswana go simologa gka 2012 go ema gka 2014. Ke leloko la mokgatho wa shepolotiki wo o mo pusong wa Botswana Democratic Party( Domokoraga). Ya a bereka e le tyona ya Bijwammung, Kgothejo le za Maze go jwa gka ngwaga wa 2007.
Kiho yagwe ya Shepolotiki
editKedikilwe ya tjena shekole Kikuyu College of Social Studies, Unibesithing ya East Africa, Nairobi go simologa gka ngwaga wa1963–64; Unibesithing ya Rochester, go simologa gka 1964–65; Unibesithing ya onnecticut go simologa gka ngwaga wa 1965–68; Maxwell School of Citizenship and Public Affairs, Syracuse University.[1]
Ya a thophiwa pele go ya palamenteng e le mopalamente wa Mmadinare gka ngwaga wa 1984. Ya a bereka e le tyona wa lephatya la mari go simolola gka ngwaga wa 1998 go ema gka ngwaga wa 1999.[2]
Kedikilwe ye e le morulashekilo wa Botswana Democratic Party go hithela gka 2003. Gka 2003, Phukwi e thola malatji a le mashome maberi le boberi ke ha tyautyona Ian Khama e thophiwa go nna morulashekilo wa BDP gka nako ya bokopano jwa shepolotiki, Khama ya henya gka bathophi ba le 512 go ba le 219 ba ga Kedikilwe[3][4]. Khama ye e emwe nogkeng go nna mokhwisa tyautyona ke tyautyona Festus Mogae,[5] maruwo a rithopho je ye a le bothogkwa gka gore ye e ragolela Khama tsela ya go nna tyautyona ha Mogae e jwa mo shekilong gka nako ye yong.[3]
Gka Hirikgong 2007 Kedikilwe ke ha e thomiwa go nna tyona wa Meepo, Kgothejo le Maze.[6][7]
Mokhwisa tyautyona Mompati Merafe ye e leshatyiho gka kgweri ya Phukwi e thola malatyi a le mashome mararo le bongwe gka ngwaga wa 2012. Tyautyona Khama ke ha e thopha Kedikilwe go nna mokhwisa tyautyona gka kgweri ya Phatwe e thola gangwe gka 2012 mbe phukhego a palamente ya be e rurihaja thopho yeyon gka mapalamente a le mashome mararo le borobaboberi mba ye be rumalana ha ba le 12 ya ya ba shegka ba thopha. Kedikilwe a ikanisiwa gka ana laatyi le leyong. Goromente ke ha e kaya ha Kedikilwe e da jwelela e tshegerije maikarabelo agwe jwaagka tyona wa meepo, khotejo le maze.[8]
Mojwa ga rithopho ja shechaba ja 2014, Khama ke ha e thopha Mokgweetsi Masisi go nna mokhwisa tyautyona gka Ngwanaatsele e thola malatji a le leshome le boberi gka 2014.[9]
Metsweri
edit- ↑ Editor, Online (6 August 2012), "Parliament endorses Kedikilwe as VP, Sunday Standard " Retrieved 28/02/2024
- ↑ "About Us-Ministry of Finance"
- ↑ 3.0 3.1 "Botswana: Khama win eases Mogae's concerns", IRIN, 23 July 2003.
- ↑ "Botswana: Vice-president wins ruling party chairmanship", Business Day, Johannesburg, 22 July 2003.
- ↑ "Botswana: President Mogae defends decision to back Khama for party chairmanship", Radio Botswana, 19 June 2003.
- ↑ "Botswana's cabinet reshuffle", The Economist, 25 January 2007.
- ↑ Daily News (Government of Botswana). 2010-01-12
- ↑ "Kedikilwe sworn in as Vice President", Mmegi, volume 29, number 113, 12 March 2024.
- ↑ "Parliament Endorses Masisi As VP", BOPA, 12 November 2014.