Neo Jane Masisi[1] yo o zega gape gka lebijo la Naatsile ke Mma Tjautyona wa Botswana ebile ke mogumagari wa ga Tjautyona Mokgeetsi Masisi[2].
Bochelo jwagwe edit
Neo Jane Masisi ye e belegwa gka 1971 kana 1972 Francistown, e le yo mogolwane kana moghwana wa ntha mo go mba ba baratyaro ba ga Baruki le Irene Maswabi. Bazari bagwe bothe ye e le bialogane za Unibesity. Ye e golela mo Gaborone a ba a tjena shekole mo Gaborone, gko bazari bagwe ye be berekela gkayo[3][4].
Ye e ngwalana le Mokgweetsi Masisis gka 2002, ba na le moghwana yo o bijwa Atsile[3].
Za Pereko edit
Masisi ke mmamatoto, ye e ityutyela tyiho shekoleng sha Accountancy Training Centre of the Debswana Diamond Company gko ye e tshola gkayo boloko jwa Accountancy Training Centre of the Debswana Diamond Company. Go simologa gka 2001 go ya go 2004 a ya go jweleja rityutyo jagwe unibesithing ya De Montfort England, gko ye e aloga gkayo gka MBA Degree[3][2]. Gka 2019 mogomagari wa ga tyautyona Neo Masisi a newa maemo a Fellow Chartered Management Accountant ke tyautyona ya CIMA Rre Steven Swientozielskyj mo Gaborone[5]. Gka 2004 a ya go berekela itu kgolo ya UN toropong ya New York a be e ya United Nations Economic Commission for Africa , Addis Ababa[6]. Ya a berekela gatshi UN Central African Republic[3].
Gka 2017 Masisi a boyela toropong ya New York go ya go bereka mo Umoja,kompone ya software system ye e rihisiwa go rulaganya rikiho ye e rihisiwa ke maloko a United Nations lehatshe gka bophara[7].
Ye e lesha Kiho UN gka 2019 ha mogagwe e nna tyautyona wa lehatshe la Botswana[3].
Kiho yagwe jwaagka mmatyautyona ke go tjena meleto. Jwaagka e le Mmatyautyona masisi o remelye tyaatya mo rikgannyeng ye ri ama baghwana le kgolo yabo, le go nonotsa basari kana bo mme. Gka 2018 ke ha e ribolola Eseng Mo Ngwaneng, letsholo la UNICEF le le eme kgathanong le go rihisiwa bothaswa mo thakanelo rigkobong le kgokgontsho[7][8].
Metsweri edit
- ↑ Mandhry, Eddie (11 June 2019). "President Mokgweetsi Masisi of Botswana visits Yale". Yale News. Yale University. Retrieved 9 November 2023.
- ↑ 2.0 2.1 "President Masisi clarifies First Lady's role". Your Botswana. Retrieved 9 August 2019.
- ↑ 3.0 3.1 3.2 3.3 3.4 "Staff corner - Profile" (PDF). UN Staff Voice. No. 6. June 2018. pp. 36–39. Archived from the original (PDF) on 9 August 2019. Retrieved 24 November 2023.
- ↑ "Puisanyo le Mma Atsile". Botswana Daily News (in Tswana). 3 April 2018. Retrieved 24 November 2023.
- ↑ "Daily News .:. : : Masisi credits CIMA for success". www.dailynews.gov.bw. Retrieved 2021-05-17.
- ↑ "H.E. Mrs Neo Jane Masisi". www.africanchild.report. Retrieved 2021-05-17.
- ↑ 7.0 7.1 Kgosikebatho, Keitebe (7 January 2019). "Neo Masisi inspires Women". The Patriot on Sunday. Gaborone. Retrieved 9 August 2019.
- ↑ Mokgosi, Tshenolo (4 December 2018). "First Lady Masisi launches campaign against sexual abuse". Weekend Post. Gaborone. Retrieved 9 August 2019.