Morogo or Moroho wo o zega gatshi gka lebijo la African Spinach o raya shethopha sha mehuta ye meraro ya merogo ye e makape a matyala ye e hithelwa mo borwa jwa Aforika, kihiso yajo e le go gjewa ke bagthyo. Morogo o tsholwa jwaagka shegyo sha ngwao mo borwa jwa Aforika[1], she she gjewa thyatya magayeng[2].
Mosola mo botsogong le Tshireletsego edit
Makape a morogo a na le kota ya poroteine ya shelegkanyo sha 36%. Sheleganyo sha kota ya vitamin e jwa mo ringwageng ja shemela le gkaho she lemilwe gka gkaho, shemela she she na le vitamin A le vitamin C le shelegkanyo she she idatshe sha calcium, magnesium le iron mo mmiring[3]. Mo Aforika Borwa shengwe sha mehuta ya merogo ke "pigweed" gka shekhowa, "hanekam" gka she Afrikans mbe gka maranyane ke Amaranthus sp.
Ripatisiso re supa gore mehuta ya merogo ye e gjewa lehatshe gka bophara e na le kgonahalo ya go hogkoja sheemo sha go tjenwa ke malwetsi a pelo (vascular-related chronic diseases) le legatyo la boberi la bolwetsi jwa sukiri (type 2 diabets)[4].
Le ha go nje jwalong , mo makgethyong uwa mangwe morogo o kgona go otjeja kgonagalo ya go tjenwa ke re-fangase bogolo jwang fusariosis thyatya thyatya mo bagthyong mba ba chela gka malwetsi uwa a ama mashwele a mbele jwaaga AIDS. Ripatisiso re supa ha go na le matute uwa mantsi a Alternaria Fungi mo shebopegong sha makape le Fusarium fungi ha gorimo ga makape[5]. Ripatisiso je ringwe re supa ha morogo o sena Fusarium mo tholegong yawo, mbe e gka jwa e o tshola mo go lemiweng go bapa le shemela sha mmiri[6].
Metsweri edit
- ↑ Independent Online
- ↑ Science in Africa
- ↑ Conservation and utilization of indigenous vegetables in Botswana
- ↑ Public Health Nutrition
- ↑ The occurrence of toxogenic moulds in traditional household Morogo of Giyana
- ↑ The level of mycotic and mycotoxigenic Fusaria in traditional morogo and the agro-environment of Dikgale Demographic Surveillance Site