Wp/xkv/Keletso Rakhudu

Keletso Joseph Rakhudu ke lepolotiki la motswana le ye le berekela palamenteng ya Pan-African e emeye Botswana le palamenteng ya Botswana e emeye Gaborone e le mokhwisa tyona wa lekalana la papari, Mpkhwisa tyona wa thyutyo le thabololo boitsaanape labohelo e le mokhwisa tyona wa Mari le paakanyejo rithabololo gka rinako jeri harologanego go simolola gka 2004 go ya go 2014. Ye e le leloko la lekgota la shepolotiki la Botswana Democratic Party.

Rakhudu ye e simolola ripolotiki gka 1999 a sena go thopiwa go nna mokhanselara wa Gaborone. Pele ga e nna lepolotiki ye e berekela shekoleng she shegolwane sha Kgosi Kgari Sechele II Molepolole go simolola gka Motsheganong 1987 go ema gka Hirikgong 1983, gko e e rutya gkayo Shekhowa le Geography.

Rakhudu ekile a bereka e le moekeleripele mogolo wa Longman Botswana, e le motshamiki wa katara wa shemmuso le moleji wa alto wa saxophone e zega gka lebijo la "Kaizur", Mbereki wa Botswana Music Union, morotoeji wa Notwane F.C, Mothyami ebile e le moekeleripele wa Funeral Services Group, kompne ye e na le beabe mo repolasing ja Serokolwane ebile e le molemi morui yo o riule rimho, ripori, rikoko le rikgagka.