Wp/xkv/Banjo Mosele

Banjo Timothy Mosele yo o tshotswe gka Moranang e thola gangwe gka 1960, ke moleji wa katara, mooperi le mogokagayi wa ripina go jwa Kanye, Botswana.

Za Pereko

Banjo Mosele ke mongwe wa bathyami ba Kalahari Band. Hugh Masekela le mosele ya ba shekela lehatshe lothe gka bo 1980s. Ye e leja katara mo rialbamong ja Hugh Masekela ri le rityaro, je ri bijwa Techno Bush, Waiting for the rain le Tomorrow. Mosele ya a bereka jwaagka moleji wa nakwana le bo Jonas Gwangwa, Peter Gabiel, Julian Bahula, Bheki Mseleku le Barney Rachabane mo London Music Scene. Ha e ithyutyela mmino Goldsmiths College, Mosele ke ha e thyama e be e ekelela shethopha sha Bushmen Don't Surf, shethopha she ya ya sha ikihela lebijo gka go rihagaja maikisong a UK jwaagka WOMAD le Glastonbury le mo kikologong ya Europe.

Mosele ye e ntsha alebumo yagwe a le meyengwe ye e bijwa Badisa gka 2003, e be e lakerisa go atega gayo gka Movin'on gka 2005 le Nowa Days gka 2008. Realebumo jagwe jothe yaa ya ja riha bonte mo lehatsheng lagwe Botswana, Aforika Borwa, England le Norway. Gka 2009, Botswana Music Awards ya mo thopha go gaisana mo bithopheng za "pina ya ngwaga", "Alebumo ye ne ya Gaisa" le "DVD ye e gaisijeyo". Ke ha e henya "Pina ya Ngwaga" gka "Ntsa e jele Ntsanyana".

Mosele ye e rula Bergen, Noway gka bo 1980s', gka rinako jeriyong ke ha e ngwala Siri Moll kgalari ya ga Erik Moll. Lengwalo le ya ya la phatalajwa. Ngwana wabo wa repara Kelemen ke ha e ntsha alebamo yagwe a le meyengwe ye e bijwa Ambivalent (Kamelen) gka 2017. Mosele ke ha ya go rula Oslo, Norway hagari ga bo 1990, hombe jwa o rula mo Botswana.