Jadwiga Bilczewska-Stanecka (gybün ym 22. lüty 1921, śtürw 23. lüty 1976) diöh a łongy cajt a kierowniczka fur śül y Wymysoü (1961—1971), höt gyśofa ana wiöe a kierowniczka ym Regionalny Zespół Pieśni i Tańca «Wilamowice». Zej höt gyśrejwa hefa łidła, poema an melodyja. Choreograf fur toncgrup. Z’rekonstrujyt wymysiöejer ocug fir an kłopa.
Byśtot ym familiagrop ufum wymysiöeryśa kiyhüf.
Życiorys edit
Jadwiga Bilczewska ej gybün ym 22.02.1921 jür y Wymysoü, an dö höt’s gyendyt dy jyśty śül, a liceum yr Śtod. Matür höt gyśrejwa ym 1939 jür, oder diöh don krig müst zy ufhiyn cü łiyn. Dy Doüća areśtiyta dy śtüdenta, ana wułda zy jyr oü areśtiyn, oder zy wiöe uf Win gyfiöen, wu dint zy y piöer hyta. Ym 1942 jür dy winerregiyn hisa dy Pöła oüszidln, an derzank fü zy yn hom. Cyjyśt at zy wi a sekretarka yr gyman, nöhta ym gywełn y Byłc, a nöhta wiöe zy a sekretarka ym tartak y Zajwyśdiöf, dö tot zy myta partyzanta, trüg zy fersidnikiy cydułn an gozyta. Ym 1945 jür füng zy o cy ata er wymysiöeryśa śül. Ym 1948 jür go zy zih oüs fir Mieczysław Stanecki. Ym 1946 jür höt gymoht a toncgrup fir kyndyn, wu tonct ym oła ondoht, .śoüt fersidnikiy zoha. Ym 1961 jür wüd zy a kierwoniczka der śül y Wymysoü. Ym 1955 jür. Ym zespół wün oü dy ełder junga ana tonct śun piöer wymysiöeryśy tonca. Ym 1957 jür dy regiynan likwidiyta świetlica an zespuł, wo ołdyśt cwe jür śpyter wiöe wejder ufgyśtond bym TKKF, a nöhta byr Cepelia y Czechowic. Zespuł höt güty kontakta myta ondyn zespoła wi „Śląsk” an „Mazowsze”. Piöer möł radio an telewizja hota zy jum ufgynuma. Zy łowt mytum zespuł, zy hot zir gon dy jungy łoüt an zespuł. Zy śoft zoüwer progroma fum fersidnikia występa. Yn łecta toga fu zer ława höt hefa gytön mytum zespuł, a woh fiym tut wiöe zy yr pröb an łiyt zy nojy łidła cy zyngia. Di łidła höt zy zoüwer gyśrejwa. Ym 23 lüty 1976 ym 55 jür fu zer ława śtürw zy. Z’wiöe zir atsum an at byśtenik. Zy wiöe zir gysajt, kług, atsum, güty śiłeryn, łiwt zy dy kyndyn an jungy łoüt, dy łoüt hota jum zir gon. Cwencik jür wiöe ym powiat. Śun ym kronkyt krigt zy Krzyż Kawalerski Orderu Odrodzenia Polski. Oder s’ej ajgonna zir śtyłnik an skromnik. Ka regiynan höt ny gydanka fir zaj goncy at, wu höt gymoht er śül an ny jok.