Nɔkpeɛne kpɛ Bunga ane Gbangbaga. Bunga yele ka a moo eɛ sagini, ka Gbangbaga yele ka aagye ka a moo wonii beginuu. Ben la ka Bunga men yele ka girii la ka Gbangbaga mwaara. Ba nɔkpeɛne ni da toli yen; ben la ban yele ka bila yen ka ba gaa mba naa Gbegni yiri ka ka o te welhi a nimbiri kubo.
Ban te ta mba naa yiri, ben la ka mba naa kubo kogo ban gyen_ o ven ban wa kubo kɔɔn ban nyu. Ben la ka mba naa pɛhiba bun ne an waa ne ba mba naa gyangu. Ben la ka Bunga lage o nɔɔre a gyugihi mba naa, "mba naa, I ba nyɛ ka a moo eɛ sagini?" Ka mba naa yele ka bila la ka a moo eɛ sagini. Mba naa yelehunga da venyen ka Bunga enga maa sun. Ben la ka Bunga yele ka kye Gbangbaga kyeehuu ka a moo eɛ sagini, ka bila ven ka o na Bunga suuri ihi. A gyun ka Bunga yele ka o boɔbo la ka mba naa de toɔra bon Kpon a dogli Gbangbaga. Ka mba naa yele ka o won yɛ a muni, ka toɔra on de dogli Gbangbaga la nga, " Gbangbaga, I ba tare sori ka I yele yela yuomo anu", ka mba naa yele.