Wp/wls/Tohi Tapu

Ko te Tohi Tapu ko te higoa faka'uvea ne'e avage e te kau pātele katolika ki te tohi tapu o te lotu kilisitiano.

Tohi Tapu i te lea faka'uvea (2011)

Ha'u'aga

Ko tona higoa i te lea fakakeleka (τὰ βιβλία, tà biblía) e fakaliliu i te lea faka'uvea ko te '''atu tohi'' mai tona 'alu'aga ae ko tohi lotu kehekehe o te lotu sūtea mo te lotu kilisitiano e fakatahi'i i ai. Ko te 'u tohi lao, fakamatala, faikole, hiva, hisitolia mo 'akonaki.

'Uhiga

E kehekehe te 'u manatu a te haha'i o 'uhiga mo te Tohi Tapu.

Ki te kau kilisitiano, ko te Tohi Tapu ko te folafola aia o te Atua ki te haha'i.

Ki te kau sūtea ko te 'uluaki koga pe o te Tohi Tapu ae higoa ko te Tauhi Āfea ae e 'ui e nātou ko te folafola o te Aua.

Ki te kau mahometa, ko te Tohi Tapu a te kau kilisitiano e higoa ko te Injil pea e ma'ua ke mulimuli ki ai kae kua hala tona fakahoko. Ko te tohi tapu fo'ou o te Kolani ae kua ina fetogi te Tohi Tapu.

Kia nātou ae he'elotu, e mole he atua pea ko te Tohi Tapu ko he tohi āfea pe ia o te temi mu'a.

Kia nātou ae tui pe ki te 'Atua, ko te Tohi Tapu ne'e tohi ia e te haha'i ko ia ae e mole ma'uhiga ia kia nātou.

Vahe o te Tohi

Ko te Tohi Tapu e vahe lua aki te Tauhi Afea a te kau sūtea (tohi 1 ki te 39) mo Tauhi Fo'ou talu mai te temi a Sēsū (tohi 40 ki te 66) o feia tona faka'alu'alu:

1. SENESI
2. EKESOTE
3. LEVITIKO
4. NUMELO
5. TETELONOME
6. SOSUE
7. TUI FAKAMAAU
8. LUTE
9. ULUAKI TOHI A SAMUELE
10. LUA TOHI A SAMUELE
11. ULUAKI HAU
12. LUA HAU
13. ULUAKI KOLONIKO
14. LUA KOLONIKO
15. ESETALASI
16. NEEMIA
17. ESITELE
18. SOPO
19. PESALEMO
20. TAAGA LEA
21. EKELESIASI
22. KATIKO O TE U KATIKO
23. ESAIA
24. SELEMIA
25. TAGI LAULAU A SELEMIA
26. ESEKIELE
27. TANIELA
28. OSEO
29. SOELE
30. AMOSI
31. APETIASI
32. SONASI
33. MIKEA
34. NAUME
35. HAPAKUKE
36. SOFONI
37. AKESEO
38. SAKALIA
39. MALAKIA
40. EVASELIO A MATEO
41. EVASELIO A MALEKO
42. EVASELIO A LUKA
43. EVASELIO A SOANE
44. TOHI GAUE A TE KAU APOSITOLO
45. Tohi a Paulo ki te kau LOMA
46. Uluaki tohi a Paulo ki te kau KOLINITO
47. Lua tohi a Paulo ki te kau KOLINITO
48. Tohi a Paulo ki te kau KALATE
49. Tohi a Paulo ki te kau EFESO
50. Tohi a Paulo ki te kau FILIPE
51. Tohi a Paulo ki te kau KOLOSE
52. Uluaki tohi a Paulo ki te kau TESALONIKA
53. Lua tohi a Paulo ki te kau TESALONIKA
54. Uluaki tohi a Paulo kia TIMOTEO
55. Lua tohi a Paulo kia TIMOTEO
56. TITO
57. FILEMO
58. Tohi ki te kau HEPELEO
59. TOHI A SAKOPO
60. ULUAKI TOHI A PETELO
61. LUA TOHI A PETELO
62. ULUAKI TOHI A SOANE
63. LUA TOHI A SOANE
64. TOLU TOHI A SOANE
65. TOHI A SUTA
66. APOKALIPISI

Fakatau

Ko tohi tapu e 6 miliale ne'e fakatau i te mālamanei kātoā, o lau ko te tohi aeni 'e mu'asika i te fakatau i te hisitolia o mālamanei.

Kua fakaliliu te Tohi Tapu i lea e 417 pea ko 'ihi koga o te Tohi Tapu kua hiki i lea e 2225.

Ko te Tohi Tapu kua ma'u i te lea faka'uvea talu te ta'u 2011 i tona liliu fakakātoā mai.

Hoko atu

• Midibible: Ko te Tohi Tapu i te Faka'uvea
• British Library: Discovering Sacred Text - Christianity
• New York Times: The Bible - commented news and commentary