Ko te kupu ko Telituale ne'e fa'u mai te lea fakafalani (territoire) pea e faka'aoga'i i te lea faka'uvea ki te Telituale o 'Uvea mo Futuna, ae ne'e fakatu'u mai te tohi lao o te ta'u 1961.
![](http://upload.wikimedia.org/wikipedia/commons/thumb/c/cd/Wallis_la_f%C3%AAte_du_territoire.jpg/220px-Wallis_la_f%C3%AAte_du_territoire.jpg)
Ko te Telituale o 'Uvea mo Futuna e fakalogo ki Falani kae e ina taupau te 'u pule'aga hau e tolu o 'Uvea, Alo mo Sigave.
Ko te koga e makehe ai te Telituale (vaega 2 o te tohi lao o te 1961) ko te faka'apa'apa a te Lepupilika Falani ki te aga'ifenua mo te lotu a te haha'i 'uvea mo futuna, kehe pe ke mole fakafehagai ki te 'u lao o Falani.