Ko SCH Palasete (Simone) SAKO ne'e ko hē tagata solia 'uvea ne'e tupu i Niumea i te 'aho 2 o Apelili 1960. Ne'e hoko tana temi solia pea alu ki Falani o solia ite 34 RG ite ta'u 1981. Ne'e fili e Simone ke nofo solia i te 17 RG o Montauban o fai ako ai ki te kau tama solia fo'ou.
Ne'e ma'u he faigamālie ke alu Simone o maneve i Lipania, Sate, Siamani mo Niu Kaletonia ia mu'a o tana liliu ki te fale solia o te 17 RGP i te ta'u 1993.
I te ta'u 1994 ne'e ma'u tana tu'ulaga SCH pea alu o gaue i Posinia he ne'e fekau e te ONU ke tokoni age te solia falani ki te fakatokatoka o te fenua.
I te 'aho 15 o Novepeli 1995, ne'e fe'alu'aki Palasete i tana motoka solia i te kogame'a ne'e ovi ki te aleso o Bratsva i Sarajevo. Pea ne'e tu'utāmaki ai i te pā o he fo'i pulu o lavea ai si'i Simone.
Ne'e ave fakaleletaki'i ki te fale mahaki solia o Bégin i Palesi pea hoko ki ai te paui a te Mafimafi i te 'aho 22 o Novepeli 1995.