Ko Mikaele Seo ne'e tupu i te 'aho 27 o Tesepeli 1971 i Matā'utu. Ko he tagata fai politike 'uvea.
E kau i te fono fakatelituale tali te ta'u 2017 pea ne'e ko te hoa gaue a te tepitē Sylvain Brial o ina fetogi ia ia hili te vote fakatepitē o te ta'u 2022.
Ma'uli
editE 'ohoana Mikaele Seo mo Loga pea ko anā tamaliki fafine e lua.
Ne'e pule i te ''Kautahi Faka Kolo o Halalo'' i te ta'u 2016.
Ne'e gaue fakama'a i he kolesio o 'Uvea ia mu'a o tana fai politike.
Fai Politike
editNe'e 'uluaki kau Mikaele Seo i te Falefono fakatelituale i te ta'u 2017 hili tanā mālō i te vote fakatelituale i Mu'a. Ne'e ina pelesita o te fono tu'uma'u o te Falefono o kaku ki te 'u vote fakatelituale o te ta'u 2022. Ne'e toe mālō Mikaele i te vote fakatelituale o te 'aho 20 o Malesio 2022.
Ne'e taki e Mikaele te lisi '''Ofa mo 'alofa ki 'Uvea mo Futuna'' i te vote fakatepitē 2022 o tekeni e te masolite o te Falefono fakatelituale. Ne'e fehagai kia Etuato Mulikiha'amea i te lua fai o te vote o ina ma'u te mālō i te 'aho 19 o Sunio 2022 aki te 50.11% o te 'u fo'i kai. E mahino mai te fua o te vote ne'e kaugamālie te kaiga ne'e tekeni kia Mikaele Seo i tona palokiā ko Mu'a pea i Futuna.
E fetogi e Mikaele Seo ia Sylvain Brial i tu'ulag tepitē. E tāpiki Mikaele Seo ki te kautahi fakapolitike o te pelesita Emmanuel Macron i te falefono fakatepitē i Palesi.
E mahino mai ne'e fai te tagi a Etuato Mulikiha'amea ki te fono malu'i o te 'u lao ke toe vaka'i atu te faka'alu'alu o te vote fakatepitē.
Matapuna
edit- Ministère de l'intérieur: Wallis et Futuna, 1ère circonscription, 19 o Sunio 2022
- Wallis et Futuna la 1ère: Le nouveau député de Wallis et Futuna Mikaele Seo..., 22 o Sunio 2022
- Assemblée nationale: Mikaele Seo, 24 o Sunio 2022