Ko te kole 'uhu ko he kole e fai kā ala ake kita i te pogipogi , pea e tomua manatu ia ki te Atua o faka'iloga te koluse , pea fai leva ni ana ki'i kole o fenei :
Aliki , fakafetai ,
Kuau toe ma'uli i te pogipogi nei ;
Pea ke tapuaki mai kia te au ,
mo ke taupau'i au i te aho nei ,
Kau tauhi lelei ai ki tau Afio .
Sesu , e au foaki atu ia au ,
Pea mo aku gaue , mo aku lea ,
Pea mo oku mamahi fuape ,
Ko taku fia kaugana mo 'alu'alu muli i tau Afio ,
Ko te 'uhi kau tonu mo manuia ai .
Ko toku Aselo tauhi,
Ke ke ofa mai mo ke muli ia te au i te aho nei ,
O taupau'i au , mo tekei ia te au te fakahala a te fili.
Matapuna edit
- Bataillon, Pierre (Moseniolo): ''Tohi lotu katoliko faka'uvea'', Fribourg en Bade, 1878