Wp/wls/Kalala Sako

< Wp‎ | wls
Wp > wls > Kalala Sako

Kalala KULIFEKAI dit SAKO GATA (1957-2014)

Ne'e tupu Kalala i te 'aho 16 o Malesio 1957 i Utua i te kolo o Vailala. Ne'e ko 'ana mātu'a ko Atonio SAKO ('Uluimonua āfea) mo Malekalita TAGATAMANOGI mai Futuna. Ne'e ko te 'ohoana a Kamila GATA, tepite āfea o 'Uvea mo Futuna mai te 1989 ki te 1997.

Ne'e sikalaipe o te kautahi sosialisi i 'Uvea nei mo Futuna pea ne'e tu'ulaga 7 i te lisi o te PS ki te vote fakaeulopa o te ta'u 2009. I te ta'u 2012, ne'e kau Kalala ki te vote fakatelituale o ina taki te lisi o te Fetu'u Fo'ou i Hihifo nei.

Ne'e fai 'ako Kalala i Fatima pea ne'e ina ave tana kalasi ki Falani i te 'u ta'u 1995-1996. Ne'e toe lahi te gaue a Kalala i te ma'uli fakakautahi mo fakafenua pea ne'e kau ki te komite sivi o te 'u fakafiafia o te 'aho falani.

Ne'e puke e Raymond Mayer 'ihi fāgana ne'e fakamatala ki ai e Kalala i te temi ae ne'e kei ako ai i Mala'etoli pea kua tu'u pepa mo ta'ofi i te fale taupau koloa o Okalani, Niusila.

Ne'e mavae mo tātou Kalala i tona ta'u 57 i Niumea i te 'aho 27 o Apelili 2014 pea ne'e avaifo i 'Uvea nei.