E mahino mai te talatuku a ‘Uvea mo Futuna, ne’e māhani ‘atatou ‘u kui i te faifolau ki te ‘u fenua e ‘ovi mai (Toga, Ha’amoa, Fisi, Lotuma) pea toe kaku tanātou faifolau ki Salomone, Vanuatu mo Niu Kaletonia.
I te tau mai o te lotu katolika i te ta'u 1837, ne’e tapu’i leva e te ‘u pātele te fai folau vaka kae ne’e kei fai pe e ‘ihi ne'e fia ma’uli faitaliha mo fakamama’o mai te fatogia mo te lotu he ne’e mamafa fau i te temi mu’a.
Ne’e kei fai te ‘u folau hola i te ‘u ta’u 1940. Hoki tali e te kau ‘aliki mo te ekelesia ke ‘olo te kau ‘Uvea mo Futuna ki Niu Kaletonia mo Vila mo ‘anātou ‘u famili i te ‘u ta’u 1950 pea fakasi’isi’i ai leva te fai folau hola.