Wp/wls/Eukilite

< Wp‎ | wls
Wp > wls > Eukilite

Ko Eukilite (lea fakakeleka: Εὐκλείδης Eὐkleídēs; ta'u 300 ia mu'a o Kilisito) ne'e toe higoa ko Eukilite mai Alesatelia, mo'o fakakehe mai te tahi Eukilite mai te kolo o Mekala. Ne'e ko he tagata keleka ne'e fai matematika pea ne'e ko ia ne'e ina 'uluaki tohi te seometilia. Ne'e lahi tana gaue i te kolo o Alesatelia lolotoga te temi ne'e hau ai Petelome I (323-283 ia mu'a o Kilisito). Ko tana tohi ae ko Elemenite e ma'uhiga 'aupito i te hisitolia o te matematika pea ne'e faka'aoga'i ki te fai ako o te matematika (tāfito te seometilia) mai te temi o tona tohi ki te faka'osi o te sēkulo 19 pe kamata'aga o te sēkulo 20. I te Elemenite, e fakamatala ai e Eukilite tana fa'ufa'u te 'u lēkula o te seometilia mai tana 'u fakakaukau kehekehe. Ne'e toe tohi ai e Eukilite mo ni tahi 'u gaue ne'e ina fakahoko o 'uhiga mo te 'u fōliga fakaseometilia mai te sio ki he laini 'ikīsi, te vahe o he kone, te fakafuafua o he sifea ki te faka'aoga o te 'u nūmelo mo te fakamālotoloto o te 'u fekumi matematika.