Ko Alisitote (lea fakakeleka: Ἀριστοτέλης Aristotélēs, pu'aki: [aristotélɛːs]; ta'u 384–322 ia mu'a o Kilisito) ne'e ko he tagata keleka fai filosofia mo 'ilo'ilo o te temi mu'a o Heleni āfea. Ne'e ko he tisipulo o Palato pea ne'e ina laga te fale'ako filosofia o Pelipatetika i te loto Liseo mo te fa'ahiga fai 'ako ne'e fakahigoa ki ai. Ne'e fai ana 'u tohi o 'uhiga mo te fisika, te 'ako o te sino tagata, te sino'i manu, te metafisika, te losika, te gaue fakatonutonu, te fakamatalelei, te fai vikiviki, te gao'i 'ata, te māholo, te poto tālaga, te 'ako o te 'u fakakaukau, te 'ako o te 'u lea, te fai politike, te tu'u o te lagi, te fekumi o te 'u maka mo te pule'aga. Ne'e fakatahitahi'i e Alisitote i tana 'u gaue te 'atu filosofia ne'e ma'u mai te temi mu'a. Pea kei taupau i te 'aho nei e Eulopa 'ana 'u gaue faka'atamai mo fa'ahiga fai fekumi.
