Namarokolo ni Mwatto
editAari namarokolo ni mwatto. Okathi namarokolo aayikariwaawe, atthawaka siisaale, eemwiira kinootupha nto mwatto eemwiira iwo nto ahootha maana iwo khayiyeni mwamulopwana. Namarokolo ootupha arowa akilaathi sivale vale iira iwo anthamwene yaathame kaavonyere nsuku. Okhala wiira mwatto ole khaasuwela etthweene xaaxa, ole ohaathama. Vano namarokolo ookuxa nluku ni ohiira nthamwene nsuku nlo avonyaka. Nto mwatto ohaakhula aathammeene wiira aayo. Nluku nle nivolowa mwaano wa mwatto amirya. Vahilekenle, namarokolo omukunxetho kwaatu anvinyerya mwaano wa mwattho ole.
Nuumala, mwatto oomukoha namarokolo wiira onkhuuriwaayawo anamwane ti woowi? Namarokolo aakhula wiira mutokhoroni. Mutokhorani mme naahithimmpwa nnlitti noowiixa nixakaxeriwa. Nto nihiku nloo oovinya muthiyana orowa ophela oviilu. Muthiyana ole oophela oviilu mphaka osarya mmutthankani vaavali voowi aroweke owaani, omphwanye mwatto amorenleene mmutipuni. Mwatto ananvekela muthiyana ole wiira amukumihemo. Muthiyana ohiira khamunkikhuura wala omukhuura mwaana aka? Mwatto oomwii hooye. Ole ookumihiwamo, vano mwatto ole anwotola mwaana wiira amukhuure nto vale muthiyana ole aakhuwelaawe, nikhule oottimakelawo ankoha wiira xeenwo? Muthiyana anaakhula wiira amwatto akivekenle waakhaliherya waakumiha olittini iwe nto enapheela omukhuura mwaana aka. Nikhule oomukoha mwatto wiira muhalaka omorelamo mwiinre hayi, mookhala oopaka nlikanyiho? Mwamorelamo kinimookumihani. Mwatto eemwiira kiinre ka kituphela vale ni... Ahimaliinheene, owo amorelamo. Vano nikhule iira okhala wiira mwaapheela omukhuura muthiyana ola, miyo nkinookumihani muhaleke memmo. Nuumala, amukuxa muthiyana ole anapwahano.
Ethoonyeryo
editEhantisi ela enihimya wiira owokana onanara. Hiyo nimmalaru mulapono mwahu mu mwaha woowokaniwa.