Mulopwana ni Khole
editAari mulopwana aathaanne ni khole. Mulopwana ole aahiira: -Miyo kokhaalano ettima aka, kaatthuna otekela mukuso voowi ahikhale mutthu onrowa ovira mphaka mmatta mwaaka wiira alyeeke mme, nto owo aahitekela mukuso. Khole aahiirwa: -Miyo kinooceela olya, vano kinrowa omatta iwe kinimoolya ipyo iye. Ole aahirowa mmatta mme olya ipyo iye.
Mulopwana ole oonakaru wiira ipyo hawe saanimala mmatta mme, aaniikoha:- ipyo haka iya taani animaliha? Atthu yaavira yaahakhula: -Ti akhole, tanimaliha.
-Miyo kinoorowa omweettelela khole ola. Aareene yoowo, miyo kinoorowa osuwela. Ole aahittikela owaani.
Nihiku nlo, mulopwana ole aahirowa omatta iwe wiira amphwanyere mutthu eene oniiya mmatta mme. Vaahivira ikhatiri soowaattha, akhole yaahoorwa evolowa mmatta enalya ipyo iye. Mulopwana ole ahirowa mmatta aaphwanya akhole, hiira: -Mwaapara, mummaliha ipyo saka?
Akhole yaahakhula yiiraka: -Aayo! Mwaaweryaka, murweeke vaava kinlyaakavo ipyo iya. Mulopwana aakhula: -Miyo nkinwerya orwa iwo. Khole oomwiira: -Mukihiye kilyeeke nyuwo munimoolya owannyinyu! Miyo nkinwerya olima nyuwo munwerya.
Mulopwana ole ahilaxerya: -Miyo kinroowa owaani, ipyo haka iyo muhikhalakhale mmalihaka. Aphiyakaru owaani, aahikuxa itthawu aamarenlyaawe iira: -Kinkawa itthawu iya yakhala wiira akhole tammaliha ipyo haka meekhaaya nnimoona vaava. Ole akawaka, akhole khiyaakhanlevo.
Mulimi mukina aahilima ematta awe waattamela ematta ya mulopwana ole. Mulimi ole, aahiweha wiira mulopwana ole ootekela mukuso ematta awe voowi ahikhale mutthu onrowa ovira mphaka mmatta mwawe alyeeke mo. Mulimi ole tho navayiye ahiteka mukuso ni areya onyoma vamacookwani. Akhole ephiyakaru mmatta mme, envarakaru macookhwa ole yaahipatinwa ni aahivelavela moota wookhuma vale. Mwaneene ematta aphiyakaru, onphwanye khole opatiweene mmatta mwa awe, nto alavula: -Iwo tanimaliha ipyo haka mmatta mwa aka?
Khole aahaakhula: -Miyo nkinsuwela ni nkinwerya olima, masi halimmwa, kinnoolya. Ole aahivekela mulevelelo ni wiira: -Ipyo hanyu soomala. Vano, kinrowa woolivani kavi?
Mulimi aahaakhula: -Ipyo haka ipaceenrye wiiyiwa khalayi, nto munookiliva ikonto imilyawu ithanu. Khole iira: -Iwo atokweene, aakhla ookivukula esisapo eyo?
Mulopwana ole aahaakhula iiraka: -Miyo kinimwaavukula emiya emosa masi, ehittikele okiiyerya. Vano, okhuma olelo vaava, kayiyeriwa mmatta mu ti weeywo.