Mulopwana Naphipi
editAari mulopwana oothenla. Owo muteko awe waari oxaya omuro okathi wootheene aaruuhaka ihopa aacacaawe. Ihopa iye saanaapeywa inaryeriwa. Ikwaha sootheene aapwiyaawe omuro iwe aavolowaka mmuro onakhunula muru awe ihopa sinceene inavolowa. Noovenya, onarowa omukoni oniittha ihopa iye aheleka munikukhuni wa munika onarowano owannyawea.
Mulopwana naphipi ole aahaaleela amwaara awe wiira yaapeyeke ihopa iye eryeryeke, masi owo emwaapeeleke makukhu paahi ntoko a ntika, enyewe wala makinaaku. Muthiyana aahikoha: -Mwaha wa xeeni?
Mulopwana aahaakhula: -kheteempe, kinoohikhura paahi. Nto muthiyana ole aahiira: -Moota amulopwana ale anthanyaaya ihopa iya kinnitikiniheya, vano olelo nrowe kawehe muncacanyuvo. Athiyana ale emutthara iyeya ole vamwiitihowo mphaka omuro. Ale yiipitha enaaweha evolowaka mmuro, ehulaka nikhwatta naya vamuro ihopa sinceene inavolowa.
Okathi aattikelaawe owaani, ale yaanimutthara yiipaka:
“Ninkholomwa ninkholomwa, amwali awo vo”
“ Ninkholomwa ninkholomwa, omuro nno”
“ Ninkholomwa ninkholomwa, ahivire iwo”
“ Ninkholomwa ninkoloma, nikwatta naka”
“ Ninkholomwa ninkholomwa, nri omuro”
“ Ninkholomwa ninkholomwa, xuurrr”
“ Ninkholomwa ninkholomwa, waawaawa”
“ Ninkholomwaa”
Okathi wootheene iiraawe “xuurr” aahelela ihopa; “waawaawa” iittha ihopa omukoni, avinyaka anaroowa owaani. Ikwaha sinceene ni atthu ale yammwiipithela. Atthu ale yaahiira: - ihopa iye anvara ni vanikhwattani waya, tivo ahinkhuuraaya. Ole okohiwa mwaha ahaakhuuraawe ihopa iye iira: -Miyo kinxaya inookiphiyerya.
Vana, atthu ale ahiira: -Wootha, nyuwo munvara nnikwatta nanyu. Mulopwana ale aniikariwa ni aximaathi awe, nto mwali ole anattikela waaxitiithi awe.