Wp/vmw/Mahamudo Amurane

Mahamudo Amurane (Owamphula - 02 ya Junho Ya 1973, - 04 ya Outubro ya 2017, Owamphula) aari muhooleli a Owamphula onoorti ya Omosampiki.

Enamwane awe ni enttompe awe

Mahamudo Amurane, okhuma enamwane awe, oovira mikacamiho sinceene. Apapa awe nuuvira etuniya, aakhalaniya ni axihima awe okhala wira murokora awe khaarina ikontisawu wiira omulele.

Mahamudo Amurane omalin'he osoma woopacera o EPC ya Omarokaane, mahiku a elelo ensuweliya ni nsina ya Instituto Agarario Ya Oribawe, eporovinciya ya Owamphula.Aahikuxerera osomawawe Osenturu Internatu ya Misawu katolika ya Oyapala Ommalin'hyiawe 7 kalase.

Nuummaliha 7 kalase awe aahitthikela Owamphula. Masi, Amurane khaahiyerenre osoma, yena aahikuxerera ohoolo exikola ya nenli 1o ya Maio khalayi yaasomwaka o universitati Katolika ya Omosampiki, Owamphula.

Osoma woottittimihiya ni Opaceera wa muteko awe

Mwana a muhooleli a musikitthi (Sheik), yena navetho aari mwiisilamu ni amusi awe otheene yaari mamwiisilamu.

Amurane aahira mpantta wa muthukumanyio wa matekiniku ya tarafiku aereo.

Okhala yena aari naxikola aatonyihera osomexa, ahikuxiya wiira asome Omaputu. Masi, murokora awe, Adelaide Amurane aahimukottiha orowa omwirela wiira asome elapo sookhopela, Oparazili.

Nuumala osoma Oparazili, aahitthikela Omosampiki waphwanyie awe muteko okapineti ya muteko ntoko tekiniku ya terenamentu emperesariali.

Mahiku aviraka siisale, aahitthikela Oparazili wiira ahokoleele osoma. Nuuphiya, aahiphwanyia muteko ntoko tekiniku ya terenamentu aakhelaka 300 dolares norte-Americanos.

Musurukhu ole waaphwani awe ovaraka muteko olewaahimutepela oyeva, aahana otholaka makhalelo makina wiira uncerere musurukhu awe. Yena oovara muteko muntumihiya iyolyia. Okhala yena aari mutthu oniwananeya ni onivaanelaneya, aahiphwanyihiya muteko o Banco Brasileiro ntoko mwixutti okathi wa ohiyu ni o Instituto ya Previdência ya servidores públicos.

Ekumi porofisionali ni Politika

Nuumaliha osoma elapo ele ya okhopela, Mahamudo Amurane aahivahiva muteko mapuro oovirikana. Masi, yena khaphelale okhala aaphela otthikela elapo awe, Omosampiki.

Nuuphiya oMosampiki aahikhala mahiku manceene ohiphwanyiaka muteko. Mahiku avairaka siisale, aahiphwanyia muteko oMedis Farmaceutical Limitada ntoko coordenador administrativo financeiro. Ovaraka siisale aahitthukula yaawawe wiira otumiheke mirette okhala aari nakoso onivaha musurukhu.

Eyaakha 200, aahihiya ovara muteko ole orowaka osomiha o Instituto Medio da Administração Publica oMaputu.Eyakha ekhwaya, opaceenre ovara muteko ntoko mwixuttihi o Instituto Politécnico Universitário oKhirimani, waamwasinanri awe kontoratu a muteko ntoko Assessor da Administração e gestão oDireção Provincial de Saúde oZambézia mwaha wa Fundo Europeu Para o Desenvolvimento.

Eyaakha ya 2003, Amurane aahiphwanyia muteko ntoko mwiixuttihi a Universidade Mussa Bin Bique okathi wa ohiyu. 2006, aahakhela eporoposta ya muteko ntoko Oficial ya Programa ya Educação.

Eyakha ya 2007 aahira mpantta wa muteko wa GIZ pro Educação ntoko Assessor Financeiro eporovinsiya ya oSofala.

2012,aahitthikela elapo ya ya amakhuwawiira avare muteko ntoko Consultor Financeiro a UNICEF, porokarama itthaniwa NAMWASH. Mpakha mahiku aathanliya awe ntoko muholeli a oWamphula, Amurane iivarela muteko oFarmácia Amurane.

Mahamudo Amurane ntoko muhooleli

Mahamudo Amurane aahikonkoreri wiira okhale muhooleli a oWamphula ni epartitu Movimento Democrático de Moçambique MDM, waathanliwawe ntoko muhooleli a elapo ele.

Wp/vmw/Mahamudo Amurane

Contents

Enamwane awe ni enttompe awe

Osoma woottittimihiya ni Opaceera wa muteko awe

Ekumi porofisionali ni Politika

Mahamudo Amurane ntoko muhooleli

Mathonyihero