Khapa ni Khole
editAari khapa aataana onthamwene ni khole. Khole aahimwiittana khapa owannyawe, okhala wiira aarino niira nawe. Khole aahaapeya eyoolya aarumari va meesa. Khapa srwaakaru, khole aahimwiirela khapa wiira akilaathi vamunyukhuni, masi ole khaawerya okiilathi osulu wa munyukhu okhala wiira aari ookhuveya ni va meesa khaapixeeryavo. Ovinyakaru, khapa aahirowa owannyawe ahilyiiye eyoolya ele. Akhole ehalakaru elyasa yootheene voohimuupuwela nthamwene awe khapa.
Aphin’yaawe owannyawe, aahilima etakhwa okhuma vate vawe mphaka omuro ni apaha muhuru ni makuttha. Khapa aahittokiha niira nawe ni aamulattula nthamwene awe khole. Khapa ahikuxa eyoolya ele aarumari vatteereni. Nto akhole ephiyakaru, khapa oowiirela wiira atthu erowe yanyawe omuro iwe ni yaarwaaka atthu yeetteeke ni mwetto miraru ni ntaata nimoha munroowaanyu olyaakano eyoolya ela va teereni va nihinanare.
Akhole yaahirowa onyawa omuro, ni eyoolya ele yahipaceriwa olyiwa akhole eronweene omuro onyawa. Okathi akhole yeettaaya, yaattamelaka va niirani vale mwetto saaniwuuma enakwata vathi. Khapa aniira nthamwene mwanyawe tho moonanara mmatatani mwanyu, akhole enattikela orowa onyawa ikwaha ikwaha sene. Vano, khole ohiira: - Mpattani, koovela orowa onyawa!
Nuumala, khapa aahaakhula: -Nyuwo mwaahala hayi, okiirela eyoolya anyu osulu wa meesa musuwelaka wiira miyo nkimphixeeryavo? Eyoolya yahimala ni akhole yaari oonanariweene.