Justino Cardoso
Makhalelo a Justino Cardoso
Justino Cardoso muratti mmosa “namooniherya” oyariwe oMosampiikhi. Opacerin”he olaleya muteko-awe mwaakha wa 1978, wiitthaniwa “Afrika”. Ni okhuma okathi yoowo, onnisooniherya ni miteko sawe sooratta, ntoko wooniherya soolempwa ni “Banda Desenhada” Wamphula, epooma emosa ya moono wa ota, masi tho mapuro makina eelapo ya oMosampiikhi. Wampwaheryo wa emuratti-awe, ootthokiherya ikwaha sinceene wooniherya muteko-awe, vanlakani, ni ookhalana miteko seiyo soolempwa muliivuruni ntoko “Mosambique 1498”, “Macuas de Moçambique”, “Lenda Maconde”, vamosa ni “Guebuza: Desenvolver Mocambique”. Omphavela siisa, olaleya ehantisi ya oMosampiikhi variyari wa iliivuru. Sinniphwanyaneya soolepa sawe mulooca, mapuro muntumihiwa iliivuru ni elooca ya oMuseu a mulaponi onsuka Ilatarato.Muratti owooniherya, Justino Cardoso, oyariwe mwaakha a 1960 ni muteko-awe woopacerya wooniherya wiira onarina iyaakha muloko n”ithannatthaaru sa mannuwelo-awe.Mwaakha wa 1978, mahoolela akhalayi oMuseu a Wamphula, ahimulattula wooniherya miteko sawe, nto kikhala mooniheryo-awe woopacerya. Okhuma vaavo khaasuwela wira onmulepa “Banda Desenhada”. Eliivuru yoopacerya yamalin”he iyaakha miloko miili n”ithannamosa woowi wooniheriwe, noomala ohiya iwarakha soopacerya opuro onlempwa iliivuru. Ahimananiha wooniherya elapo ya oMalawi, masi khitthukweliwa, woowattattanyiwa ni ikhalelo sa poliitika ni siiso kihiwerya wooniherya muteko-awe mwaha wira mukhalelo wa malamuleliwo elapo yeele yaari woowalamela.