EKHAVALO NI PUURU
edit
Ekhavalo ni Puuru yaanitthara ephiro emosa yoopoma. Ekhavalo yaanitteeliwa murima okhala wiira yaahikuxa ottuli waya muritti wa isaakho thanu. Vano Puuru, ottettemelaka, aari oripiwa murima okhala wiira muritti waateexaawe waari isakho muloko. Yeetaka siso, Puuru aheemela khwira: -Kootemwa! Muritti ola nkinwerya-tho. Murettele aya okawana variyari muritti ola. Ekhavalo yaahitupha khwemela ottayiwene yiitaka: -Mulolo! Mumphavela kaacererye muritti aka? Munkona mwa mulolo ho? Puuru aahittettemela khumwaakhula iraka: -Nampuha! Musuweleke wiira miyo kakhwa nyu munootexa miritti sootheene iya. Ekhavalo yaahikhootta. Oholo waya, Puuru aahimorana isakho. Yaahirwa axilopwana khuttottela isakho iye, amukhupanyeryaka. Yaahikuxa anapheela oreya ekhava, masi eyo yaanitthyawa. Siso, axilopwana ale yaahikuxa ekopo khumana ekhavalo mmakhuttuni ni khureya isakho iye. -Psiii! Vaarera! Nyu mwaawiwa ani wira muhana wapuherya akhwinyu! Haya vo, niwooneeni.
Ethale ela enihimya wira: Olelo yakhala ya mmanka, melo enrowa okhala ya mukhacu.